اسلام آباد۔ 02دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ چین پاکستان آجو واپاری معاہدہ (سی پی ایف ٹی اے) نا ارٹ میکو مرحلہ نا بناء آ آئرن ایلم ءِ مبارک مرے، دا معاہدہ نئے بیرہ ہڑتوم آ ملک آتا نیام اٹ متکن آ سنگتی و بے مٹ رشتہ غاتا درشانی ءِ بلکن داڑان پاکستانی پوریاگر آتے چین نا منڈی تیٹی زیروڈیوٹی کچ آن مصنوعات برآمد کننگ نا آسراتی ہم ملک۔ داخیال آتا درشانی ءِ او دوشنبے نادے آ تینا اسہ ٹویٹ اسے ٹی کرے۔ ڈاکٹر فردوس عاشق اعوان پارے کہ داہڑتوم آ ملک آتا الس و سنگت آتے کن جوان ءُ خبر اسے۔ بروک آ دے تیٹی سی پیک و پاک چین سنگتی نا بابت پین ہم جوان ءُ خبر بریک۔ آجو واپاری معاہدہ نئے بیرہ ہڑتوم آ ملک آتا نیام اٹ متکن آ سنگتی و بے مٹ رشتہ غاتا درشانی ءِ بلکن داڑان پاکستانی پوریاگر آتے چین نا منڈی تیٹی زیرو ڈیوٹی شرح غان مصنوعات برآمد کننگ نا آسراتی ہم ملک۔ اوپارے کہ پاکستان نا ٹیکسٹائل نا بشخ داڑان غٹ آن زیات فائدہ ہرفک۔ خصوصی کمکار پارے کہ داکان بیدس کشت وکشار، سل انا مصنوعات، کنفکشنری و بسکوٹ تیار کروک آ بشخ آک ہم پبی فائدہ ہرفرہ و پاکستانی مصنوعات آتے چین آ برآمد کننگ کیرہ۔ دا معاہدہ غان پاکستانی پوریاگر تے چین نا منڈی تیٹی 313پوسکن آ مصنوعات آتا برآمد آتا موقع ملک۔ اوپارے کہ پاکستان اول آجو واپار معاہدہ نا رداٹ 742مصنوعات آتا برآمد آ صفر ڈیوٹی نا رعایت آن فائدہ ہرفنگ ءِ۔ ارٹ میکو مرحلہ غا عملدرآمد آن پد پاکستان ءِ 1047 مصنوعات آتا برآمد نا موکل ملک۔
