اسلام آباد۔ 02 دسمبر(اے پی پی) وزیراعظم نا خصوصی کمکار قومی جان جوڑی ڈاکٹر ظفرمرزا پارینے کہ لاڑکانہ ٹی ایڈز انا تالان مننگ نا غٹ آن بھلا سوب سرنچ آتا وار وار آ کاریم اٹ اتنگ ءِ، دوائی تا غیر مناسب تشہیر ءِ توننگ کن کانودی سازی نا گرج ءِ، پاکستان اٹی داوخت آ ہر بندغ ءِ سالانہ 8 آن 10 انجکشن خلنگک ہرا دنیا ٹی غٹ آن زیات کچ ءِ، 95 درسد انجکشن بے المی مریرہ، پاکستان اٹی 75 درسد آبادی نا سیبو جان جوڑی نا نجی بشخ آٹے۔ پاکستان اٹی ہر 10 می بندغ ہیپاٹائٹس اٹی اختہ ءِ، 85 درسد سرنچ آتے دُوارہ کاریم اٹ اتنگک۔ دوشنبے نادے آ تینا اسہ بیان اسے ٹی وزیراعظم نا خصوصی کمکار ڈاکٹر ٖظفر مرزا پارینے کہ مریض نا رکھ بے کچ ضروری ءِ۔ اوپارے کہ پاکستان اٹی 85 درسد سرنچ آتے دُوارہ کاریم اٹ اتنگک ہرا بے کچ خطرناک ءِ۔ اوپارے کہ ساڑی ہی ٹی ڈاکٹرآتے یورپ آ بٹنگ انگا ہرانا مسخت پوسکن ودی مروک آ چناتے کن پاؤڈر ملک نا فارمولا ئس نوشتہ کروئی ئس۔ ڈاکٹر ظفر مرزا پارے کہ مریض آتا رکھ انا چرجوئی ٹی دا ننے معلوم کروئی مریک کہ مریض ءِ ہراگڑاتیان خطرہ ءِ، مریض آتے زیات آن زیات رکھ فراوان کننگ کن دنیا ٹی بھاز جاست وپاست مسنے، نن تینا ڈاکٹر آتے مریض آتا رکھ اکن تربیت تننگ اُن۔ دا بابت آن سرحال میڈیکل ڈگری ٹی خوانفنگ انگ ءِ و ہر صوبہ ٹی ہیلتھ میڈیکل کمیشن اس ٹہیفنگانے۔ اوپارے کہ اسلام آباد ہیلتھ ریگولر اتھارٹی نا قیام ضروری ءِ۔ دا کمیشن و اتھارٹی جان جوڑی و طبی بشخ انا آب آتا تعین ءِ کیک۔ ننا ملک اٹی ڈاکٹر آتا مریض آتا رکھ انا بابت تربیت نا ہم سخت گرجءِ، نن کابینہ غان اسلام آباد ہیلتھ کیئر فیسلٹی ایکٹ نا منظوری ءِ ہلکونن۔ ننے مریض آتا رکھ اکن سازگار چاگڑد والا ہسپتال و طبی آسراتی ہند آتا پروگرام بناکننگ نا گرج ءِ و دابابت غٹ ہسپتال آتے تینا معائنہ ءِ تینٹ کرفنگے۔ اوپارے کہ جہانی ادارہ جان جوڑی تون اواری اٹ نن زوت مریض آتا رکھ اکن سازگار چاگڑد انگا ہسپتال و طبی آسراتی تا ہند آتا بناءِ کینہ۔
