اسلام آباد۔ 02دسمبر (اے پی پی) چین پاکستان اقتصادی راہداری (سی پیک) ڈٹ انا رداٹ برجاڈٹ آتیان پاکستانی تیکن 75ہزار ملازمت ودی مس ہراڑان ہر بندغ نا کٹیا ٹی 23درسد ودکی مسنے۔ زرکاری بورڈ انا کمامدارآک پارینو کہ چین پاکستان اقتصادی راہداری ڈٹ (سی پیک) نا جوڑ مننگ آن پاکستانی تیکن براہ راست 75ہزار ملازمت ودی مس ہراڑان ہر بندغ نا کٹیا ٹی 23درسد ودکی مس۔ 100 ایس ایم ایز سی پیک نا جوڑ کننگ اٹ سد آ بلکن ہزار آملازمت فراوان کرے، سکھر ملتان موٹروے پروجیکٹ تنیا 29 ہزار ہندی بندغ آتے روزگار فراوان کرے، دانا جوڑ کننگ اٹی بھلو کچ اسے ٹی پاکستانی تکنیکی چاہندار آتے تربیت ہم تننگا خاص وڑاٹ زیات آن زیات پاکستانی زالبول آتے سی پیک نا رداٹ ملازمت ملنگ ءِ۔ ہنداوڑ تھر بلاک دوم نا ڈٹ اٹی 126ہندی زالبول آتے ٹرک ڈریونگ نا نوکری تیا ملازمت تننگا۔ اوپاریر کہ پورٹ قاسم پاور پلانٹ نا جوڑ کننگ اٹی 4000 ہندی بندغ آتے ملازمت نا وارخواہی ملا و آپریشنل مرحلہ ٹی 1270 بندغ آتے روزگار ملا وخت اس کہ 150 انجینئر آتے تکنیکی تربیت کن چین آ گدریفنگا۔
