پاک فوج ءِ اپسرگ ءُُ ورنا کنٹرول لائن ءِ سر ءَ بزدلیں بھارتی اُرد آنی تیر گواری ءَ را جوانیں رنگ ءَ پسو دیگ ءَ انت، نشان حیدر ءِ بستار ءَ داروکیں پاک اُرد مئے شرپ ءُُ ازت انت، مزن وزیر آزات جموں کشمیر راجہ فاروق حیدر

اسلام آباد ۔ 2 دسمبر (اے پی پی) مزن وزیر آزات جموں کشمیر راجہ فاروق حیدر ءَ گوشت کہ پاک اُرد ءِ اپسرگ ءُُ ورنا کنٹرول لائن ءِ سر سر ءَ بزدلیں بھارتی اُرد آنی تیر گواری ءَ را جوانیں رنگ ءَ پسو کنگ ءَ انت، نشان حیدر ءِ بستار ءَ داروکیں پاک اُرد مئے شرپ ءُُ ازت انت، گوستگیں روچ ءَ بھارتی اُرد آنی کور ءُُ کائی تیر گواری ءَ چہ پاک اُرد ءِ دو اپسرگ آنی زوت جان سلامتی ءِ واستہ دعا لوٹ آں ۔ دو شمبے ءَ جاڑی بوتگیں وتی بیان ءِ تہ ءَ راجہ فاروق حیدر ءَ گوشت کہ سبزیں ماھ ءُُ استالی جنڈا ءُُ ورنائیں اُرد آنی گندگ ءَ چہ مئے ھون لھڈ بہ جنت ۔ آئی ءَ گوشت کہ بھارتی اُرد ءِ آسر سرجمی ءَ ڈگار ءَ کپتگ، کشمیری آں بھارتی اُرد آناں تولگ جوڑ کتگ ۔ مزن وزیر آزات کشمیر ءَ گوشت کہ کنٹرول لائن ءِ سر ءَ آباتیں دلیریں کشمیری پاک اُرد ءِ گوما ھمکوپگ انت، پاک اُرد ءَ ٹوپ آناں سرد کتگ ۔