لاہور۔ 01دسمبر (اے پی پی) پاکستان تحریک انصاف نا سینئر مرکزی راہشون و مسکوہی بنجائی وزیر ہمایوں خان اختر پارینے کہ مسلم لیگ (ن) و پیپلزپارٹی مک مکا فارمولہ نا رداٹ تینا دور تیٹی اسہ ایلو نا وڈی خوری ءِ رکھ تسر، اینو اوفتیان لٹ وپل و وڈی خوری نا حساب ہلنگ نا چرجوئی ءِ یلہ کننگے تو ہندا حکومت نا گن گانا بناکیک، ملک ہندن ہندن ویل آتا دلدل آن پیشن بننگ ءِ پیپلزپارٹی، مسلم لیگ (ن) و اوفتا حواری تا سیاست تنزلی نا گہرائی تیٹی ہِننگ ءُ۔ داخیال آتا درشانی ءِ او حلقہ این اے 131آن تعلق تخوک آ پارٹی راہشون و کارندہ غاتا ڈل آتون اوڑدہی ٹی گپ و تران کرسا پارے۔ ہمایوں اختر خان پارے کہ وزیراعظم عمران خان بیوروکریسی ءِ پیدوار پارینے کہ او میرٹ آن چپ ہچ ءُ کاریم اس کپسم، انت مستین اٹی چیف ایگزیکٹو اس داوڑنا پرمان جاری کرے، وزیراعلیٰ پنجاب عثمان بزدار نام نہاد خادم اعلیٰ آنبار شوبازی کپک ہنداخاطران اونا برخلاف پروپیگنڈا کننگک، ولے ننے داڑتون ہچ ءُ کاریم اس اف۔ اوپارے کہ حکومت اختہ مروک آ تپہ غاتے نیزگاری نا لکیر آن بڑز اتسا قومی دنگ اٹ اوار کننگ کن ایمرجنسی نا وڑاٹ کاریم کننگ ءِ، و انشاء اللہ بھاز زوت داٹی سرسہبی دوئی مریک۔ روپئی نا سوگو مننگ و مارک اپ نا کچ شیف بننگ آن کبینی ٹی پدریسہ کمتی مریک و داکنڈا ترندی اٹ پیش رفت برجاءِ۔ اوپارے کہ وزیراعظم عمران خان کرپشن آن پاک طر زحکومت نا پوسکن ءُ ماڈل اس درستی راستی کرفینے۔
