اسلام آباد۔ 01دسمبر(اے پی پی) موسمیاتی بدلی نا وزیر مملکت زرتاج گل پارینے کہ ملک اٹی اسموگ نا مون ءِ توننگ و کچٹی آن پاک چاگڑد نا مون آ دننگ کن گام گیج کننگ انگ ءِ۔ یک شنبے نادے آ ریڈیو پاکستان تون گپ وتران کرسا اوپارے کہ خشت انا بھٹہ غاتا مالک آتے ٹیکنالوجی نا کاریم اٹ اتنگ آن خشت جوڑ کننگ نا تربیت تننگک۔ اوپارے کہ مالک آتے آسان شڑت آ وام تننگک تانکہ اوفتے پوسکن آ ٹیکنالوجی آ گدریفنگ اٹ کمک تننگ مرے۔ وزیر مملکت پارے کہ لاہور و پنجاب نا ایلو اہم شارتیٹی بھلو کچ اسے آ درخت آتے کاٹ کننگ و برخلاف ضابطہ شونداری سرجز آتا سوب آن چاگڑد زہمی مسنے۔ زرتاج گل پارے کہ ملک اٹی کچٹی نا بنداوی سوب گاڈی تیان مول انا پیش تمنگ ءِ، و دادے کم کننگ کن گام گیج کننگ انگ ءِ۔ اوپارے کہ سرکاری بشخ و ایلو گاڈی تیٹی یوروفو رپٹرول اختیار کننگ آن مول انا اخراجءِ کم کننگ اٹ کمک رسینگک۔
