اسلام آباد۔ 01دسمبر (اے پی پی) وزیراعظم نا سلاہکار خزانہ و محصولات ڈاکٹر عبدالحفیظ شیخ پارینے کہ سٹاک مارکیٹ اٹی پائیدار ترندی حکومت نا کنڈآن اقتصادی سوگوی کن چست کروک آ گام گیج آتیا زرکار آتا ودوک آ پت انا درشانی ءِ۔ داہیت ءِ او تینا ٹویت اٹی پارے۔ اوپارے کہ کے ایس ای 100 انڈیکس اٹی نومبر اٹی 14.9 درسد ودکی مس، مئی 2013ء آن پد اولیکو وار نومبر اٹی سٹاک مارکیٹ اٹی زیات ترندی ریکارڈ کننگانے۔ ڈاکٹر عبدالحفیظ شیخ پارے کہ 16 اگست 2019 ء آن پد کے ایس ای 100 انڈیکس اٹی 10 ہزار 500 پوائنٹس (36درسد) ودکی مسنے، تدوک آ ہفتہ ٹی کے ایس ای 100 انڈیکس اٹی 1362پوائنس آتا ودکی مس و 9 تُو اٹی اولیکو وار انڈیکس 39 ہزار پوائنٹس نا نفسیاتی حد ءِ عبور کرے۔
