لاہور۔ 01دسمبر (اے پی پی) وزیراعلیٰ پنجاب سردار عثمان بزدار پارینے کہ مسکوہی حکمران تا ہیبدار معاشی پالیسی تا سوب پاکستان نا زرگزران ءِ ناقابل تلافی نسخان رسینگا ولے وزیراعظم عمران خان و اونا معاشی ٹیم بے کچ خواری اتون چنکو وخت اسے ٹی پاکستانی زرگزران ءِ سہی سمت انا کنڈا روان کرینو۔ وزیراعلیٰ عثمان بزدار داڑے اسہ بیان اسے ٹی پارے کہ لس گچین کاری تیٹی بھاز بے وڑ باتروک آک اول تینا زنچک اٹ ہلیر ہریر۔ افراتفری ودی کننگ نا کوشست کروک آ اپوزیشن تینٹ نزوری آن دوچار ءِ و اپوزیشن تون فلاح عامہ نا ہچ ءُ ایجنڈا اس اف۔ اسہ ایلو نا نظریاتی مخالف اپو زیشن جماعت آک جندی فائدہ غاتا ایجنڈا غا متفق ءُ، و السی مخ تفی آن محروم عنصر آک بوکھلاہٹ نا گواچی ءُ۔
