اسلام آباد۔ 30 نومبر (اے پی پی) وزیراعظم نا خصوصی کمکار حوالکاری وشین کاری ڈاکٹر فردوس عاشق اعوان پارینے کہ مولانا صاحب دا پارلیمان ہمو وخت اسکان جعلی مننگ کپک ہراوخت اسکان نا مار و نا جماعت نا ایلو راہشونک دا معزز ایوان اٹی تولوک ءُ، پوسکن آ گچین کاری تے ضرور کرفنگک ولے پنچ سال انا آئینی مدانا پوروی آن پد۔ داخیال آتا درشانی ءِ او ہفتہ نا دے آ تینا ٹویٹ اٹی کرے۔ اوپارے کہ نن مولانا نا تدوک آ پارلیمان نا تقریر آتے مون آتخسا مون آ ہِننگ اُن ہراتم او پاریکہ کہ پارلیمان ءِ تینا آئینی مدءِ پورو کروئی مرے۔ اوپارے کہ میاں نواز شریف نا لندن آ سرمننگ تون ہی (ن) لیگ نا ترجمانک پاکستان اٹی ہرا ہلہلئی حالیت نافذ کریسر او یکا یک چٹانو۔ ڈاکٹر فردوس عاشق اعوان پارے کہ(ن) لیگ سپریم کورٹ آنبار الیکشن کمیشن اٹی ہرا اسہ پنہ ءِ پیش کرینے او ہم قطری لگک۔
