راولپنڈی۔ 30نومبر (اے پی پی) وزیر مملکت سیفران و اینٹی نارکوٹکس شہریار آفریدی پارینے کہ پوریاگر برادری نا ویل آتے ایسر کننگ کن اسٹیک ہولڈرز آتون سلابت کننگک، پوریا گر برادری حکومت نا دُوءِ سبک کے، حکومت ملک ءِ منشیات آن پاک کننگ نا عزم کرینے، طالب علم آتے منشیات آن بچفنگ کن ”زند گی ایپ“ درستی راستی کرفنگ انگ ءِ، پوسکن آ وڑوڈول آتیا ڈیٹا بیس جوڑ کننگ انگ ءِ، مچ آ ملک انا ہسپتال آتے ٹی نشہ ٹی اختہ بندغ آتا درمان کن بحالی ہند اس جوڑ کننگ انگ ءِ م، پوریاگر برادری حکومت نا دوءِ سبک کے، چیمبر نا کہول آرابطہ کمیٹی اس جوڑ کننگک تانکہ فعال وڑاٹ باندات آتے مون آ دننگ مرے۔ ترجمان اے پی پی ءِ پارے کہ داخیال آتا درشانی ءِ او راولپنڈی چیمبر آف کامرس نا دورہ ءِ کننگ نا وخت آ دیوان آن تران کرسا کرے۔ اوپارے کہ پیشن نا ملک پاکستان نا امیج ءِ گچین کننگ کن اسیجا کوشست آتا گرج ءِ۔
