چیئرمین پی آئی اے ایئر مارشل ارشد محمود ءِ بریفنگ، راجی ایئر لائن ءِ برجائی ءُُ ایشرا سیت ایگ ادارگ جوڑ کنگ حکومتی اول سرئی کار آنی تہ ءَ ھوار، مزن وزیر عمران خان
اسلام آباد ۔ 29 نومبر (اے پی پی) مزن وزیر عمران خان ءِ پی آئی اے ءَ جاڑیگیں کار آنی سر ءَ دل یکیمی ءِ درشان کنان ءَ گوشت کہ راجی ایئر لائن ءِ برجائی ءُُ ایشرا سیت ایگ ادارگ جوڑ کنگ حکومتی اول سرئی کار ا ٓنی تہ ءَ ھوار انت ۔ آئی ءَ اے گپ آدینگ ءِ روچ ءَ بالی ڈویژن ءَ گوں سیادی داروکیں جیڈھ آنی سروکی ءَ کنان ءَ کت ۔ دیوان ءَ وزیربالیگ غلام سرور، وزیر زرّئی کار سیّد علی حیدر زیدی، وزیر ءِ منصوبگ بندی اسد عمر، مشیر ءِ ھزانگ ڈاکٹر عبدالحفیظ شیخ، ھاسیں کمکار ندیم بابر، ھاسیں کمکار سیّد ذوالفقار عباس بخاری، چیئرمین سرمایہ کاری بورڈ سیّد زبیر گیلانی، سیکرٹری بالیگ شاہ رخ نصرت، چیئرمین پی آئی اے ایئر مارشل ارشد محمود ملک ءُُ ایندگر کلانہ ایں اپسرگ آں بھر زوری کت ۔ دیوان ء ۔ بالی ڈویژن ءَ گوں سیادی داروکیں جیڈھ ھاسیں رنگ ءَ پاکستان انٹرنیشنل ایئر لائنز ءَ استیں گوناپی کار آنی برورد ءُُ ملکی بالیگ اڈہ آنی گہتری ءِ ھوالگ ءَ گپ ءُُ تران کنگ بوت ۔ چیئرمین پی آئی اے ائیر مارش ارشد محمود ءَ دیوان ءَ را گوشت کہ راجی ایئر لائن ءَ گوناپی کار آنی جوانیں برورد دیم ءَ پیداک بوھگ ء ۔ انت ۔ آئی ءَ گوشت کہ ھمودا یک نیمگ ءِ راجی ایئر لائنز ءِ بالی آنی تہ ءَ 47بالی آنی گیشی کنگ بوتگ ءُُ دو نوکیں جہاز پی آئی اے فلیٹ ءِ تہ ءَ ھوار کنگ بوتگ اَنت آھواد پی آئی اے ءَ ھمک ماھی وام آنی تہ ءَ سک باز کمک اتکگ ۔ آئی ءَ گوشت کہ اے کار کرد ءِ تہ ءَ گیش گہتری آرگ ءُُ ادارگ ءَ را گیش سیت ایگ جوڑ کنگ ءِ واستہ پی آئی اے ءِ استیں انتظامی شپ ءُُ روچ کار آنی تہ ءَ دزگٹ انت ۔ مزن وزیر ءَ پی آئی اے ءَ جاڑیگیں کار آنی تہ ءَ دل یکیمی ءِ درشان کنان ءَ گوشت راجی ایئر لائن ءِ برجائی ءُُ ایشرا سیت ایگ ادارگ جوڑ کنگ حکومت ءِ اول سرئی کار آنی تہ ءَ ھوار انت ۔ دیوان ءَ ملکی بالی پڑ آنی گہتر یں انتظامی ءُُ مساپر آناں میاں اوستمانی کد ءُُ بالاد ءِ آسراتی ءِ پجاری ءِ واستہ کتگیں پیسلہ آنی سر ءَ دیمروئی کار ءُُ آیوکیں باندات ءِ کار آنی ھم سر ءَ چار ءُُ بچار گرگ بوت ۔
