اسلام آباد ۔ 29 نومبر (اے پی پی) مزن وزیر ءِ ھاسیں کمکار برائے گریبی ءِ ھلاسی ءُُ چاگردی رکھینگ ڈاکٹر ثانیہ نشتر ءَ گوں اُردن ءِ کوئین ساری زئد ےِ آدینگ ءِ روچ ء ۔ گند ءُُ نند کت ۔ گند ءُُ نند آنی مول ءُُ مراد پاکستان ءَ وردن ءُ وارک ءِ کمیگ ءَ گوں گر ءُُ چیل بوھگ ءِ واستہ استیں منصوبگ آنی سر ءَ ھیال ریچی کنگ انت ۔ کوئین سارہ زید ورلڈ فوڈ پروگرام ڈبلیو ایف پی) ءِ ’’مات ءُُ چُک ءِ ورن ءُُ وراک‘‘ ءِ ھوالگ ءَ ھاسیں مشیر انت، آ میاں اوستمانی تک ءَ زھگ ءِ بنداتی 1000روچ ءَ چہ دومی سالروچ ءَ تاں جوانیں وردن ءُُ وراک ءِ پجاری ءِ نیمگ ءَ دلگوشی دیگ ءِ گامگیج چلائین ایت ۔ وردن ءُُ وراک ءِ کمیگ ءَ گوں گر ءُُ چیل بوھگ حکومت ءِ گریبی ءَ را ھلاس کنگ ءِ پروگرام احساس ءِ بنیاتی مول ءُُ مراد آنی تہ ءَ ھوار انت ۔ گند ءُُ نند ورلڈ فوڈ پروگرام ءِ چیر دستی ءَ پاکستان ءِ تر ءُُ تاب کنوکیں یک ٹوھیں تکے مشن ءِ بھر ے ات ۔ دیوان ءَ گشتانک دیان ءَ شہزادی سارہ زید ءَ پاکستان ءَ وردن ءُُ وراک ءِ کمیگ ءَ گوں گر ءُُ چیل بوھگ ءِ واستہ حکومت ءِ پاکستان ءِ جزم ءِ توسیپ کت ۔ آئی ءَ اے گپ ءِ درشان کت کہ وردن ءُُ وراکی کمیگ ءِ سبب ءَ ھاندان ءُُ ملک آناں مھتلیں نتیجگ آناں سگگ کپ ایت ۔ آئی ءَ گوشت کہ احساس پروگرام ءِ چیر دستی ءَ حکومت ءِ پاکستان ءِ نیمگ ءَ چست کتگیں گامگیج آناں ساڑا کناں ۔ اے دیوان ءَ ورلڈ فوڈ پروگرام ءُُ اسلامک سولیڈیرٹی فنڈ فار ڈویلپمنٹ ءِ کارندہ آں ھم بھر زوری کت ۔
