اسلام آباد ۔ 29 نومبر (اے پی پی) چین پاکستان اقتصادی راہداری (سی پیک) ڈٹ انا رداٹ 9;46;2 ارب ڈالر نا خڑچ آن جوڑ مروک آ 1872کلومیٹر آ محیط مین لین ۔ 1ریلوے پروجیکٹ کراچی آن پشاور ریلوے ٹریک نا بحالی و اپ گریڈیشن آن سفر نا وخت وپاس کم مریک و زرکاری ٹی ودکی مریک ۔ سی پیک اتھارٹی نا کمامدارآک اے پی پی ءِ پاریر کہ سی پیک نا رداٹ ریلوے نا مین لین ایم ایل ون نا اپ گریڈیشن آن دا اسٹریٹجک ڈٹ آ زوت کاریم ءِ پورو کرسا پاکستان ریلوے ءِ پوسکن آ وڑوڈول آتیا اتنگک ۔ بنجائی حکومت ریلویز نا بشخ ءِ اینخو مالی سال انا بجٹ اٹی خصوصی اہمیت تننگ ءِ تانکہ دانا پوروی آن ملک انا اقتصادی و معاشی شونداری و شونہالی نا ہدف آتے ٹی کمک دوئی کننگ مرے، چین پاکستان اقتصادی راہداری ڈٹ انارداٹ ریلویز صوبہ پنجاب اٹی 30 دسد، سندھ اٹی 18 درسد، بلوچستان اٹی 36درسد ، خیبر پختونخوا ٹی 10 درسد و گلگت بلتستان اٹی 6 درسد پوسکن ءُ ریلوے ٹریک تالان کننگک، ہرافتیا 3 ارب 69 کروڑ ڈالر خڑچ بریک ۔ پلاننگ کمیشن نا دستاویزآتارداٹ سی پیک ڈٹ آتا رداٹ اسہ ہزار 59 کلومیٹر حویلیاں ۔ کاشی نیو ریلوے ٹریک ، پشاور آن طورخم اسکان پوسکن آ ریلوے لین نا جوڑ، حویلیاں ڈرائی پورٹ، کراچی آن کوٹری ڈبل لین نا جوڑ کننگ، 16سد کلومیٹر کراچی آن پشاور ترند رفتار ریلوے لین ڈٹ، کوءٹہ ۔ 560 کلومیٹر ژوب ، کوٹلہ جام پوسکن آ ریلوے لین انا جوڑ کننگ، 633کلومیٹر کوءٹہ ۔ تفتان لین نا اپ گریڈیشن ، 1328 کلومیٹر گوادر ۔ جیکب آباد اسکان پوسکن آ ریلوے لین تتون اوار ءُ ۔
