اسلام آباد ۔ 29 نومبر (اے پی پی) بنجائی پارلیمانی سیکرٹری ریلوے فرخ حبیب پارینے کہ پاکستان مسلم لیگ (ن) ءِ ارب آ روپئی نا فارن فنڈنگ مس ولے داسکان فنڈنگ کروک آتا درستی راستی و سرجم آتے الیکشن کمیشن نا سکروٹنی کمیٹی نا مون آ پیش کننگ کتنو، ارب آ روپئی نا سرجم آتیا اسہ پنہ اس پیش کننگ آئینی ادارہ غاتیا ملنڈ اسے، مسلم لیگ (ن) ءِ سرجم آتے پیش کننگ آن نرنگ کن الیپنہ، چیف الیکشن کمشنر و الیکشن کمیشن نا تقرری کن آئین نا حکومت تینا زمواری تے ادا کیک، سپریم کورٹ نا فیصلہ غان پد آئینی ادارہ غاتے ٹی جھیڑہ نا است خواہی تخوک آتے بے سہبی تون مون تروئی تما ۔ او جمعہ نادے آ الیکشن کمیشن نا پیشن میڈیا تون گپ و تران کریکہ ۔ بنجائی پارلیمانی سیکرٹری پارے کہ مسلم لیگ (ن) نا بینک اکاءونٹس اٹی جمع کرفوک آ پیسہ غاتا سرجم آتے 24گھنٹہ ٹی جمع کرفوئی ئس اینو اسکان 24سماعت مننگ آن پد ہم دا سرجم آتے جمع کرفنگ تنے، غٹ سوج آتا ورندی ءِ کہ نن تون ہچ ءُ ورندی اس اف ، بیرہ اسہ پنہ سے نا ورندی ءِ جمع کرفنگا وخت اس کہ باندات ارب آ روپئی نا ءِ، اسہ ارب آن زیات گچین کاری مہم اٹی میڈیا غا خڑچ کننگا، گچین کاری جلسہ غاتا ادائیگی تے کننگا، پیسہ تروک آتا پن ، شناختی کارڈ مروئے ۔ سرجم آتے داوخت اسکان جمع کرفنگتنے ۔ کانود نا رداٹ 18 سال انا ہر پاکستانی نا شناختی کارڈ جوڑ مریک ، شناختی کارڈ آن بیدس اکاءونٹ ملنگپک، ولے شناختی کارڈ بیرہ مسلم لیگ (ن) تون اف، انت داڑے ہم مردہ غاک پیسہ غاتے جمع کرفینو ۔
