اسلام آباد ۔ 29 نومبر (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ سی پیک نا رداٹ اولیکو خصوصی اقتصادی زون نا بنداوءِ بروک آ تُو انا ایسر آ تخنگک، اولیکو مرحلہ نارداٹ سندھ، خیبر پختونخوا و پنجاب اٹی اسہ اسہ خصوصی اقتصادی زون جوڑ کننگ انگ ءِ ۔ جمعہ نادے آ تینا ٹویٹ اٹی اوپارے کہ حکومت بروک آ تُو انا ایسر اسکان چین پاکستان اقتصادی راہداری نا رداٹ اولیکو خصوصی اقتصادی زون نا بنداو ءِ تخنگ نا ڈٹ بندی اس کننگ ءِ ۔ اوپارے کہ اولیکو مرحلہ نا رداٹ سندھ، خیبر پختونخوا و پنجاب اٹی اسہ اسہ خصوصی اقتصادی زون جوڑ کننگ انگ ءِ ۔ اسد عمر پارے کہ حکومت صنعت آتا مون آ دننگ و روزگار نا وارخواہی ودی کننگ کن سی پیک نا رداٹ خصوصی اقتصادی زون تا شونداری آ چکار کننگ ءِ ۔ اواینخو مالی سال اٹی اِرا پین خصوصی اقتصادی زون ملنگ نا عزم انا درشانی ءِ کرے ۔
