اسلام آباد ۔ 29 نومبر (اے پی پی) بُرزئی آمید گس ءِ جج آنی پوسٹنگ ءِ ھوالگ ءَ پارلیمانی کمیٹی ءِ دیوان آدینگ ءَ علی محمد خان ءِ سروکی برجم دارگ بوت ایشی ءِ تہ ءَ کمیٹی ءِ کار رھبند آنی مٹ ءُُ بدلی ءِ یک شلیں منظوری دات ایشی ءِ رد ءَ پارلیمانی کمیٹی کجام ھم مردم آرا سمن;47; دلگوش یا گلگدار کت کنت ۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ کجام یک امیت وار ءِ پوسٹ جج ءِ بستار ءَ بیت آئی ءِ انٹرویو ھم کنگ بیت ۔ ایشی ءَ ابید نامینتگیں امیت وار جج انٹرویو ءِ واستہ دست رس نہ بنت ایشانی نامینگی رد سما کنگ بیت ۔ نوکیں رولز آنی تہ ءَ رد بوتگیں کیسز آنی بابت ءَ ھم کار رپک پجارینگ بوتگ ۔ نوکیں مٹ بوتگیں مسل آنی تہ ءَ پارلیمانی کمیٹی ءَ را جھلی کمیٹی جوڑیشت دیگ ءِ ھم مستری بیت انت ۔ پد مہ پد ءَ سئے دیوان آنی تہ ءَ بھر نہ زورگ ءُُ ساڑی نہ بوھوکیں باسک آنی باسکی مھتل کنگ بیت ۔ کمیٹی ءِ دیوان 4دسمبر 2019 ءَ دووارگ بیت ایشی ءِ تہ ءَ نوکیں چیئرمین ءِ پوسٹنگ ءِ واستہ یک شل ءَ گچینی کنگ بیت ۔ نوکیں گچین بوھوکیں چیئرمین 6ماھ ءَ تاں کمیٹی ءِ سروکی ءَ کنت ۔ ضوڈیشل کمیشن ءِ نیمگ ءَ اسلام آباد ہائیکورٹ ءِ جج آنی پوسٹنگ ءِ واستہ نامینتگیں امیت وار آناں انٹرویو ءِ واستہ ھم دلگوش کنگ ءِ پیسلہ کنگ بوتگ ۔
