اسلام آباد ۔ 29 نومبر (اے پی پی) وزیر ءِ درئی کاری شاہ محمود قریشی ءَ گوں ملائیشیا ءِ مزن وزیر ءِ ھاسیں کاسد ءُُ ملائیشیا ءِ نائب وزیر ءِ درئی کار داتو ویرا حاجی مرزوقی یحیی ءَ آدینگ ءِ روچ ءَ وزارت ءِ درئی کار ءَ گند ءُُ نند کت ۔ گند ءُُ نند ءِ ساھت ءَ دو نیمگی یکوئی، پڑ ءِ جاور ھال آں ھوار وت مہ وتی یکوئی کار آنی سر ءَ ھیال ریچی کنگ بوت ۔ وزیر ءِ درئی کار ءَ ملائیشیا ءِ نائب وزیر ءِ درئی کار ءَ را 5اگست ءَ چہ مقبوضہ کشمیر ءَ جاڑیگیں ھرابیں جاور ھال ، بنی آدمی ھک آنی لگت مالی ءُُ مقبوضہ کشمیر ءِ تاجگیں جاور آنی بابت ءَ سرپد کت ۔ شاہ محمود قریشی ءَ گوشت کہ مقبوضہ کشمیر ءَ جاڑیگیں بھارتی ظلم آنی ھلاپ ءَ ملائیشیا ءَ ھما رنگ ءَ گوانک سہرا کت آ لاءک ءِ ستا انت ۔ کشمیر ءِ جیدھ ءِ سر ءَ پاکستان ءِ بن گپ ءَ را کمک کنگ ءِ پد ءَ ملائیشیا ءِ گوں دل ءِ جھلانکاں منت وار آں ۔ ملائیشیا ءِ نائب وزیر ءِ درئی کار ءَ آیوکیں ماہ ءَ ملائیشیا ءَ برجم بوھوکیں ‘‘کوالالمپور کانفرنس’’ ءِ سرج میں ھال آنی ھوالگ ءَ سرپد کت ۔ وزیر ء، درئی کار ءَ ‘‘کوالالمپور کانفرنس’’ ءِ بنگیج ءَ را جوانیں گامگیج نامینان ءَ پاکستان ءِ نیمگ ءَ چہ سرج میں دل یکیمی دات ۔
