افریقی ملکانی سفیرانی کانفرنس ءِ دومی روچ،شرکاء ءَ را ایکسپورٹ ءِ ھاترا ایرءِ چیزانی ءُُ دیم چیلنجزءِ باروا سرپدی دیگ بوتگ
اسلام آباد ۔ 28 نومبر (اے پی پی) دری کارانی وزارت ءِ تہ افریقی ملکانی سفیرانی کانفرنس ءِ دومی روچءِ سیشن پنچ شمبے ءَ دری کارانی وزیر مخدوم شاہ محمود قریشی ءِ سروکی ءَ برجم دارگ بوتگ ۔ دیوان ءِ تہ ایکسپورٹس ءَ گوں سیادی داروکیں ،ٹیکسٹائل،انجینئرنگ،سپورٹس،فارماسیٹیکل سیکٹر ءِ ھوار پرائیویٹ سیکٹر ءَ گوں ہمگرنچءِ ھاسیں مردماں وتی وتی سیکٹر ءِ باروا ایکسپورٹ ءِ ھاترا چیزانی ءُُ دیم چیلنجاں چہ شریداراں را سرپد کتگ ۔ چیئرمین ٹریڈ ڈویلمنٹ اتھارٹی ءَ ;34;ایکسپورٹ ءِ کساس گیش کنگ ءِ ھاترا ایکسپورٹ انڈسٹری ءَ را وتی کمک ءِ سدکی داتگ ۔ دیوان ءِ تہ افریقی ملکانی تہ تعینات پاکستانی سفیرانی ابید کارپوریٹ سیکٹر ءِ لہتیں تک ءَ گوں بندوک ءِ مردم ءَ افریکی ملکانی تہ بیءپارءِ کچ ءُُ کساس ءَ را گیش کنگ ءِ ھاترا لہتیں شءورءُُ سلہ پیش کتگ ات ۔ چیف ایگزیکٹو ملت ٹریکٹرز ءَ دری کارانی وزیر ءَ بیءپارءِ وزیر ءِ منت گپتگ ات ءُُ افریقی ملکاں را ملت ٹریکٹرز ءِ سالینہ ایکسپورٹ ءُُ افریقی ملکانی تہ کشت ءُُ کشاری ءِ ایکسپورٹ ءِ کچ ءُُ کساس ءِ تہ ودکی ءِ ھاترا لہتیں شءور ءُُ صلہ داتگ ات ۔ مراکش ءِ تہ تعینات پاکستانی سفیرءَ پیش کش کتگ کہ اگہ فارمیسیٹیکل انڈسٹری،سپورٹس انڈسٹری،ٹیکسٹائل انڈسٹری اگہ وتی کنڈ ءَ چہ مراکش ءِ تہ وتی چیزانی نماش کنگ لوٹ ایت تو سفارت جاھ آہاں را نماش ءِ ھاترا جاگہ مپت ءَ پھجارایت ۔ اے موہ ءِ سرا دری کارانی وزیر شاہ محمود قریشی ءَ گوشت کہ افریقی ملکاں گوں رھوت ءِ پراھی ءِ ھاترا ڈل ءِ مٹ ءُُ سٹ ءُُ میاں اوستمانی نماشءِ ھاترا پاکستان ءِ چکاریں بھرزوری ءَ را سدکی جوڈ کن انت ،آہاں گوشت کہ پاکستان ءِ تہ لہتیں کمپنی لیبانی چیزاں ءُُُ سرجیکل اوزارءَ جوڈ کنگ انت افریقی ملکانی مارکیٹ ءَ گوں ہمگرنچ بوھگ ءِ ضلورت انت ۔ آہاں گوشت کہ فارماسیوٹیکل انڈسٹری ءَ ر وتی چیزاں را ڈبلیو ایچ اوءِ نیمگا چہ داتگیں کوالٹی ءِ ردا جوڈ کنگ بنت تنکہ اے چیزانی امپورٹ ءَ را گیش کنگ بیت ۔ دری کارانی وزیر ءَ دراھیں شریداراں را بھرزوری کنگ ءُُ آئی ءِ نیمگا چہ شءورءُُ صلہ ءِ سرا آہانی منت گپتگ ات ۔
