اسلام آباد ۔ 28 نومبر (اے پی پی) مزن وزیر عمران خان ءَ گوشت کہ ملک ءِ تہ ایگری کلچر ءِ تک ءِ پراھی ھاسکر کسانیں پورھیاگراں را ریلیف دیگ حکومت ءِ اولی دلگوشی انت ۔ حکومت اے گپ ءِ سرا ھم ھاسیں دلگوشی دیگ انت کہ ایگری کلچرءُُ صنعتی تک ءِ دیمروئی ءَ را بروبرءِ وڈ ءَ سدکی جوڈ کنگ بیت ءُُ لس مردمءَ را ریلیف پھجارگ بیت ۔ مزن وزیر ءَ اے ھیالانی درشان وتی سروکی ءَ کماد ءِ نہادءِ سرکاری بہا ایر کنگ ءِ ھوالہ چہ مزن تکی دیوان ءِ تہ کتگ ات ۔ ایشی ءِ تہ بنجاہی وزیر منصوبگ بندی اسد عمر،نیشنل فوڈ سیکیورٹی ءِ وزیر مخدوم خسرو بختیار،سر وزیر پنجاب سردار عثمان بزدار،بیءپارءِ سلاکار عبدالرزاق داود،ھاسیں کمکاربرائے ھالرسانی ءُُ شنگکاری ڈاکٹر فردوس عاشق اعوان،ربالکار ندیم افضل چن،پنجاب ءِ وردن ءِ وزیرسمیع اللہ چوہدری،صوبائی وزیر کشت ءُُ کشاری نعمان احمد لنگڑیال،خیبرپختونخوا ءِ وردن ءِ وزیر حاجی قلندر خان لودہی،ہمگرنچیں محکمہ آنی بنجاہی ءُُ صوبائی سیکرٹریز،چیئرپرسن کمپیٹیشن کمیشن ودیا خلیل ءُُ دگہ افسراں بھرزوری کتگ ۔ دیوان ءِ تہ کماد ءِ سرکاری نہاد ءِ ایر کنگ ءِ ھوالہ چہ لہتیں معاملہانی سرا چارءُُ ٹپاس گپتگ ءُُ صوبگءَ را اے ھوالہ چہ عملی گامگیج زورگ ءِ کڈنی داتگ ۔ مزن وزیر ءَ را گندیم ءِ نہاد ایر کنگ ءِ ھوالہ چہ اقتصادی رابطہ کمیٹی ءِ پیسلہ چہ ھم سرپدکتگ ۔ مزن وزیر ءَ را سرپد کنگ بوتگ کہ اقتصادی رابطہ کمیٹی ءَ گندیم ءِ نہاد یک من 1365کلدار ایر کنگ ءِ پیسلہ کنگ بوتگ ایشی ءَ چہ پورھیاگر وشھال بیت ۔ مزن وزیر ءَ ای سی سی ءِ پیسلہ ءِ سرا تسلہ ءِ درشان کتگ ۔ دیوان ءِ تہ پیسلہ کنگ بوتگ کہ حکومت پنجاپ ءِ نیمگا چہ گندیم ءِ سرکاری نہاد ءِ جار جنءگ بیت ۔ دیوان ءِ تہ اے پیسلہ ھم بوتگ کہ ایکس ۔ مل ءُُ اورینٹل ءِ تبک ءِ سرا شکرءِ نہاد ءِ تہ گہبودی ءَ را سدکی جوڈ کنگ ءِ ھاترا حکومت پنجاب ءِ نیمگا چہ دراھیں المءِ گامگیج چست کنگ بنت ۔ ایشی ءِ ابید دیوان ءِ تہ پیسلہ کنگ بوتگ کہ حکومت پنجاب شوگر ملزءِ زمہ پورھیاگرانی پدمنتگیں زرانی دیءگ ءَ را سدکی جوڈ کن ایت ۔ اے ھوالہ چہ دراھیں ڈپٹی کمشنرزوتی ہمگرنچیں دمگانی شوگرملز ءِ نیمگا چہ پورھیاگراں را پے منٹ کنگ ءِ سرٹیفکیٹ جم کن انت ۔ دیوان ءِ تہ پیسلہ کنگ بوتگ کہ حکومت پنجاپ ءِ نیمگا چہ کانود ءِ تہ بدلی کنگ بیت ءُُ اے گپءَ را سدکی جوڈ کنگ بیت کہ شوگرملز ءِ نیمگا چہ ایر کتگیں وھد ءُُ پاس ءِ سرا پے منٹ نہ کنگ ءِ دروشم ءَ آہانی سرا فائن جنءگ بیت ۔ دیوان ءِ تہ اے پیسلہ ھم کنگ بوتگ کہ شوگر سس فنڈءِ آڈٹ کنائینگ بیت تنکہ اے گپے تعین کنگ بیت کہ اے پالیسی ءِ ردا پج کنگ بوھگ انت ءُُ کانود ءِ ردا کارمرز بوھگ انت ۔ مزن وزیر عمران خان ءَ دیوان ءَ گوں گشتانک کنان گوشت کہ ملک ءِ تہ کشت ءُُ کشاری ءِ تک ءِ پراھی ھاسکر کسانیں پورھیاگراں را ریلیف پھجارگ حکومت ءِ اولی دلگوشی انت ایشی ءِ ھوار حکومت اے گپے سرا ھم ھاسیں دلگوشی دیگ انت کہ کشت ءُُ کشاری ءُُ صنعتی تک ءِ دیمروئی ءَ را بروبرءِ وڈ ءَ سدکی جوڈ کنگ بیت ءُُ لس مردمءَ را ریلیف پھجارگ بیت ۔ مزن وزیر ءَ کڈنی داتکہ ضلوری چیزانی ڈیمانڈ ءُُ سپلائی ،نہادانی تعین،پورھیاگرانی ھرچ ءَ کم کنگ ءُُ آہاں را سازگار ماحول پھجارگ ءِ ھاترا دراج وھدی پالیسی جوڈ دیگ بیت ۔ مزن وزیر ءَ کمپیٹیشن کمیشن ءَ را پنت ءُُ شون داتگ کہ استیں کانود ءِ جائزگ گران ءَ آہانی تہ المی بدلی آرگ بنت تنکہ اودا لہتیں چیزانی نہادانی گہبودی ءَ را سدکی جوڈ کنگ بیت اودا مارکیٹ ءِ مونوپولی ءُُ استحصال ءِ ھلاسی ءَ را سدکی جوڈ کنگ بیت ۔ مزن وزیر ءَ زورمان کتگ کہ اے مکسد ءِ ھاترا ٹیکنالوجی ءَ را کارمرز کنگ ءِ سرا زوت دلگوشی دیگ بیت ۔
