اسلام آباد ۔ 28 نومبر (اے پی پی) مزن وزیر ءِ بیءپارءِ صلاکار عبدالرزاق داءودءَ گوشت لپ افریکہ 54ملکانی سرا ھوار دومی مزنیں براعظم انت،مارا افریقی ملکاں گوں بیءپارءِ موہ ءَ چہ نپ چست کنگ لوٹ ایت،آوکیں پنچ سالانی تہ افریقہ ءَ گوں وتی بیءپاری کچ ءُُ کساس ءَ را ڈبل کنگ بیت ۔ اے ھیالانی درشان آہاں پنچ شمبے ءَ دری کارانی کارگس ءِ تہ افریقی ملکانی تہ تعینات پاکستانی سفیرانی کانفرنس ءِ دومی روچ ءِ بنداتی سیشن ءَ گوں گشتانک کنان ءَ کتگ ات ۔ کانفرنس ءِ اے سیشن ءِ تہ افریقی ملکاں تعینات پاکستانی سفیراں ،چیئرمین سرمایہ کاری بورڈ ،گورنر سٹیٹ بینک ،سیکرٹری دری معاملہ ءُُ سیکرٹری بیءپارءَ بھر زوراتگ ۔ بیءپارءِ صلاحکار ءَ گوشت کہ افریقی ملکانی جی ڈی پی آوکیں سالانی تہ 29ٹریلین ڈالر ءِ تاں گیش بہ بیت ۔ آہاں گوشت کہ مارءَ اے موہ ءَ چہ نپ چست کنان ءَ وتی بیءپاری رھوت گیش کنگ بنت ۔ آہاں گوشت کہ من ءَ وشی انت کہ مروچی مئے جوڈ کتگیں ٹریکٹرز لہتیں افریقی ملکانی تہ امپورٹ کنگ بوھگ انت ۔ مئے ٹارگٹ آوکیں پنچ سالانی تہ افریقہ ءَ گوں وتی بیءپاری کچ ءُُ کساس ءَ را دوبر کنگی انت ۔ بیءپارءِ صلاکار ءِ معاہدہ ءِ وسیلگ ءَ بیءپارگیش کنگ ءِ موہ ءَ چہ سرجم کمک چست کنگ بیت ۔ آہاں گوشت کہ پاکستان 30;223;31 جنوری 2020ء ءَ نیروبی ءِ تہ بیءپاری کانفرنس ءِ تہ سرجم بھرزوری کن ایت ۔ اے ھاسیں کانفرنس ءِ برجمداری ءِ سرا دری معاملہانی وزیر شاہ محمود قریشی ءُُ دری کارانی وزارت ءَ را مرادبات پیش کتگ ۔ اے موہ ءِ سرا چیئرمین سرمایہ کاری بورڈ زبیر گیلانی ءَ گوشت کہ افریقی ملکانی تہ بیءپارءِ پراھی ءِ ھاترا لہتیں موہ ساڑی انت ایشی ءَ چہ نپ چست کنگ ءِ ھاترا مارءَ یکجاھیں عملی گام چست کنگ بنت ۔ پدا بیءپارءِ سیکرٹری سردار احمد نواز سکھیراءَ افریقی ملکاں گوں پاکستان ءِ بہءپارءِ نوعیت،بیءپاری کچ ءُُ کساس ءِ ھوالہ چہ شریداراں را سرج میں بریفنگ داتگ ءُُ سرمایہ کاری ءَ را گیش کنگ ءِ ھاترا لہتیں صلاح ھم پیش کتگ ات ۔
