اسلام آباد ۔ 28 نومبر (اے پی پی) چین پاکستان اقتصادی راہداری منصوبہ (سی پیک) ءِ ردا اولی ھاسیں اقتصادی زون رشکئی ءَ را کنیکٹ کنوکیں سئے ءُُ نیم کلومیٹر ءِ دگ ءِ سرا کنسٹرکشن ءِ کار بناء بوتگ، اے زون ءِ تعمیرءِ بنداتی بھرءِ تہ50ہزارءَ چہ گیش مردماں را روزگار ءِ موہ سر بنت ۔ سی پیک اتھارٹی ءِ واکدارءِ گوشگ ءِ ردا خیبرپختونخوا ءِ ضلع نوشہرہ ءِ تہ رشکئی اقتصادی زون سرا کار گوں ترندی ءَ برجاہ انت، رشکئی اقتصادی زون (ایم ون نوشہرہ) ءِ ھاترا 2000 ایکڑ اراضی گپتگ انت ءُُ صنعتی کوچگءِ ہڈ دیگ ءِ ھاترا گامگیج ءِ رد گوں ترندی ءَ برجاہ انت ۔ اقتصادی زون ءِ تہ فروٹ ءُُ وردنی چیزانی پیکجنگ،ٹیکسٹائل سٹچنگ،ونٹنگ ءُُ دگہ ہمگرنچیں صنعتانی ہڈ ءُُ آہانی آسراتی ءِ سرا دلگوشی دیگ بیت ۔ ایشی ءَ چہ صنعتی کوچگ ءَ چہ بالی پٹ ءِ دراجی 65کلومیٹر ،ریلوے سٹیشن 25کلومیٹر، سٹی سینٹر15 کلومیٹر، ہائی وے 5کلومیٹر ءُُ موٹروے نزیک انت ۔ رشکئی اکنامک زون صوبہ ءِ وشھالی ءُُ دیمروئی ءِ تہ ھاسیں کرد ادا کن ایت ۔
