اسلام آباد ۔ 28 نومبر (اے پی پی)مزن وزیر ءِ ھاسیں کمکار برائے اوورسیز پاکستانیز ذوالفقار بخاری ءَ ایشین ٹاوَن لیبر کیمپ دوحہ قطر ءِ تروتاب کتگ ءُُ پاکستانی پوریاگراں گوں گپ ءُُ تران کتگ ۔ ذلفی بخاریءَ واکدارانی نیمگا چہ لیبر کیمپ ءِ باروا سرپدی دیگ بوتگ ۔ تروتاب ءِ تہ زلفی بخاری ءَ پورھیاگراں گوں گپ ءُُ تران کتگ ءُُ آہانی نندگ،ورگ ءُُ سیل ءُُ سوادی ءِ آسراتیءِ چارءُُ تپاس گپتگ ۔ لیبر کیمپ ءِ تہ نشتگیں مردماں ھاسیں کمکار ءَ را وتی جیڈھ ءَ چہ سرپد کتگ،ایشی ءِ سرا آہاں حکومت ءُُ ھاسکر وزارت اوورسیز پاکستانیز ءِ نیمگا چہ ہر ممکن کمک ءِ سدکی داتگ ۔ ھاسیں کمکار برائے اوورسیز پاکستانیز ذوالفقار بخاری ءَ اے سال ءِ بندات ءِ تہ جبل علی ءِ تہ خان صاحب لیبر کیمپ ءُُ عمرون لیبر کیمپ ،دبئی ءِ تروتاب کتگ ات ۔
