اسلام آباد ۔ 28نومبر(اے پی پی) چین پاکستان اقتصادی راہداری (سی پیک) منصوبہ ءِ ردءَ چین ءِ بازیں کمپنی وتی کسانیں ء ُ درنیامی درجگء ِ پیداواری یونٹ آناں پاکستانءَ کنگءِ وائشت مند اَنت ء ُ اے گامگیج پاکستان ءِ در آمدات ءَ کمی ء ُ برآمدات ءَ گیشی ءِ پالیسی ءِ ھاترءَ باز پائدگ مند اَنت ۔ زرکاری بورڈ ءِ حکام ءِ گشگءِ ردءَ کمپنی پاکستانی بیپاراں گوں یکجائی بیپاری سُرء ُ پُرانی وسیلگءَ وتی مصنوعاتءَ دیما آرگءِ وائشت مند اَنت ۔ چینی پیداواری یونٹس پاکستان ءَ گوں خطہ ءِ دگہ ملک آں کنگءِ وائشت مند اِنت چیا کہ چینءَ پوریاگرانی ماہے کٹء ُ کمائی 1000ڈالر وہدے کہ پاکستانءَ 200ڈالر اِنت ۔ دوئیں ملک آنی یکجائی بیپاری سُرء ُ پر آنی تہءَ 97درسد ملازم پاکستانی بنت وہدے کہ 3درسد چینی کمپنی ء ُ پراجیکٹس ءِ مزنیں عہدگ دار ہوار بنت ۔
