اسلام آباد ۔ 28نومبر(اے پی پی) مسلم لیگ(ن) ءِ راجی اسمبلی ءِ باسک رانا تنویر حسین ءَ را پبلک اکاءونٹس کمیٹی ءِ بے مقابلہ ءَ چیئرمین گچین کنگ بوتگ ۔ نوکیں چیئرمین ءِ گچین کنگءِ ھاترءَ گچین کاری عمل ءِ نگرانی سیکرٹری راجی اسمبلی قمر سہیل لودھی ءَ کتگ ۔ دیوان ءَ حکومتی جماعت ءِ چیف وہپ ملک عامر ڈوگرءَ ہوار پبلک اکاءونٹس کمیٹی ءِ باسک ہوار بوتگ اَنت ۔ چیئرمین پبلک اکاءونٹس کمیٹی ءِ ھاترءَ پاکستان تحریک انصاف ءِ راجی اسمبلی ءِ باسک سردار نصراللہ دریشک ءَ رانا تنویر حسین ءِ نام سوج کتگ کہ ایشیءَ را مسلم لیگ(ن) ءِ نیمگءَ چہ مشاہد حسین سید ء ُ پاکستان پیپلز پارٹی ءِ راجی اسمبلی ءِ باسک ء ُ پیسرگیں مزن وزیر راجہ پرویز اشرف ءَ من اِتگ ۔ اے وڑءَ مسلم لیگ(ن) ءِ راجی اسمبلی ءِ باسک رانا تنویر حسین ءَ را پبلک اکاءونٹس کمیٹی ءِ بے مقابلہ ءَ چیئرمین گچین کنگ بوتگ ۔ چیئرمین پبلک اکاءونٹ کمیٹی گچین بوہگءَ پد رانا تنویر حسین ءَ درائیں باسکانی شگرء ُ منت گپتگ ء ُ گشتگ کہ آ پبلک اکاءونٹس کمیٹی ءِ فیصلہ آنی تہءَ درائیں باسکاں وتی ہمراہ بہ کنت ۔ درائیں باسکاں ہم رانا تنویر حسین ءَ را مراد بات داتگء ُ آئیءَ را ہرچ وڑیں کمک ءِ اوست داتگ ۔
