زالبول ءِ اول بیگم ثمینہ عارف علوی ءِ اسلام آبا وویمن چیمبر ءِ چیر دستی ءَ سیمینا ءَ گوں گشتانک

سینگ ءِ وروکی ءِ گرء ُدار کنگءِ ھاترءَ حکومت ء ُنجی پڑ آں یکجاہ کار کنگ لوٹ ایت

اسلام آباد ۔ 28نومبر(اے پی پی ) اولی زالبول بیگم ثمینہ عارف علوی ءَ گشتگ کہ پاکستانءَ سینگءِ وروکی ءِ آماچیں زالبولانی کساس چہ درسیں ملک آں چہ گیشتر اَنت ۔ ایشی ءَ را گرء ُدار کنگءِ ھاترءَ حکومت ء ُ نجی پڑآں یکجاہ کار کنگ لوٹ ایت، بریسٹ کینسر ءِ سوبءَ بازیں جان زوال بوہگءَ اَنت کہ ایشی ءِ گرء ُدار کنگ مادرسانی سرءَ فرض اِنت ۔ اے گہ بانک ثیمنہ عارف علوی ءَ اسلام آباد ویمن چیمبر ءِ سروکی ء َ سینگ ءِ وروکی ءِ بابتءَ سرپدی مراگشءَ گوں تران کنانءَ کتگ ۔ آئی ءَ گشتگ کہ حکومت اے نادراہی ءِ زوت پدّری ء ِ ھاترءَ کوشست کنگ ءَ اِنت تنکہ زالبولانی جان رکھینگ بہ بیت چیا کہ پہ وہد سرپد بوہگءَ چہ اے نادراہی ءَ چہ 80درسد رکھگّ بوت کنت ۔ آئی ءَ گشتگ کہ ملک ءَ سالے 90ہزارءَ چہ گیش کیس رپورٹ بوہگءَ اَنت وہدے کہ 40ءَ چہ 45ہزار مردم مرگ ءِ آماچ بنت ۔ ا ے موہءَ اسلام آباد ویمن چیمبر ءِ جوڑ کنوکیں صدر ثمینہ فاضل ، صدر فریدہ راشد ء ُ دگہ باسکاں گشتگ کہ زالبول نیزگاریء ُ لج ءِ سوبءَ وتی ھانداناں اے بابتءَ ھال نہ دیاں ۔ اے سوبءَ چہ ہمک روچءَ دو سداں چہ گیش زالبول مرگءِ آماچ بوہگءَ اَنت ۔ آئیءَ گشتگ کہ ہمک زالبولءَ را 40سالءَ پد وتی چارء ُ تپاسی الم کنگ لوٹ اتی تنکہ اے نادراہی ءَ را چہ بنداتءَ گرگ بہ بیت ۔