ای اسی سی ءِ آیوکیں باندات ءَ توان ءِ نیاد ءِ گیشنینگ ءِ کار رپک ءَ را گیش پراھ ءُُ شاھیگان کنگ ءِ واستہ مشیر ھزانگ ءِ سروکی ءَ کمیٹی جوڑ کنگ ءِ جار
اسلام آباد ۔ 28 نومبر (اے پی پی) کابینہ ءِ اقتصادی رابطہ کمیٹی (ای سی سی ) ءَ گندم ءِ کم چہ کم کمکی نیاد 1365 کلدار یک من گیشینتگ ءُُ مالی سال ءِ اولی سئے ماھ ءِ وساتہ نیپرا ءِ منظور کتگیں 15درسد یک یونٹ سئے ماھی گیشی ءَ 11 پیسہ یک نونٹ گیشی وصول کنگ ءِ نوٹیفیکیشن ءِ منظوری داتگ، ای سی سی ءَ آیوکیں باندات ءَ توان ءِ نیاد آنی گیشینگ ءِ کار رپک ءَ را گیش پراھ ءُُ شاھیگان کنگ ءِ واستہ مشیر ءِ ھزانگ ڈاکٹر عبدالحفیظ شیخ ءِ سروکی ءَ برجم دارگ بوت ۔ دیوان ءَ ملک ءِ بازیں دمگ آنی تہ ءَ گندم ءِ پیداواری ءِ کچ ءُُ کساس 1349یک من ءَ سر بوھگ ءُُ کابینہ ءُُ راجی اسمبلی ءِ ھاسیں کمیٹی برائے کشت ءُُ کشاری ءِ سفارش، ءُُ دھکان گل آنی نیمگ ءَ فیڈ بیک ءِ روشنائی ءَ گندم ءِ 1350یک من کمک ءِ نیاد نوک سر چار ءُُ بچار زورگ بوت ءُُ گندم ءِ نیاد ءَ گیشی ’’افراط ءِ زرّ‘‘ ءُُ مالی بار ءِ تہ ءَ گیشی ءِ اوست ءَ ھوار ایندگر کار آنی سر ءَ سرج میں باست ءُُ واستہ ءَ چہ پد گندم ءِ کم چہ کم کمکی نیاد 1365 کلدار یک من گیشینگ ءِ منظوری دیگ بوت ۔ ای سی سی ءَ آیوکیں باندات ءَ توان ءِ نیا د ءِ گیشنینگ ءِ کار رپک ءَ را گیش پراھ ءُُ شاھیگان جوڑ کنگ ءِ واستہ مشیر ءِ ھزانگ ڈاکٹر عبدالحفیظ شیخ ءِ سروکی ءَ یک کمیٹی ءِ جوڑ کنگ ءِ ھم جار جت ایشی ءِ تہ ءَ وزیر ءِ راجی رکھینگ ءُُ پٹ ءُُ پول مخدوم خسرو بختیار ، وزیر ءِ ھاٹیگ عمر ایوب خان، مشیر صنعت ءُُ پیداوار عبدالرزاق داءود ءُُ مزن وزیر ءِ ھاسیں کمکار برائے پٹرولیم ندیم بابر ھوار انت ۔ ایشی ءَ ابید یوٹیلٹی سٹور کارپوریشن ءِ گامگیج آنی تیاری آنی تہ ءَ کمک ءُُ شور ءُُ سلاھ ءِ واستہ ای سی سی ءَ مزن وزیر ءِ مشیر صنعت ءُُ پیداوار، گورنر سٹیٹ بنک آف پاکستان، بے نظیر انکم سپورٹ پروگرام چیئرپرسن، نادرا ءُُ پی پی آر اے ءِ نماھندگ آنی یک کمیٹی ءِ جوڑ کت ۔
