اسلام آباد ۔ 28 نومبر (اے پی پی) ڈپٹی سپیکر قومی اسمبلی قاسم خان سوری ءَ گوشت کہ ورنا راج ءِ آیوکیں باندات ءِ واھند انت ءُُ ھما واں آیوکیں باندات ءِ سروکی وتی کوپگ ءَ کنگی انت، ملک ءَ وانگ ءُُ زانگ ءِ دیمروئی استیں حکومت ءِ اولسرئی کار آنی تہ ءَ ھوار انت ءُُ اے مول ءُُ مراد ءِ دزگیری ءِ وساتہ جنگی بنیات ءَ گامگیج چست کنگ بوھگ ءَ انت ۔ آئی ءَ اے ھیالانی درشانی راولپنڈی آرٹس کونسل ءَ سپیریئر گروپ کالج راولپنڈی ءِ ھمک سالی مراگش ءِ شریکیں مردم آناں گشتانک دیان ءَ کت ۔ ڈپٹی سپیکر ءَ گوشت کہ دگنیا ءَ دیم ءَ آجنزگ ءِ وساتہ مارا وانگ ءُُ زانگ ءِ سر ءَ ھاسیں دلگوشی دیگ ءِ ضلورت انت ۔ آئی ءَ گوشت کہ اے وھد ءَ ملک ءَ دو ءُُ نیم کروڑ زھگ سکول آں چہ ڈن ءَ انت ایش مئے ناکامی انت اگاں راستی ءَ بچار ات ۔ آئی ءَ گوشت کہ ملک ءَ وانگ ءُُ زانگ ءِ دیرموئی ءِ واستہ پبلک پرائیویٹ پارٹنر شپ ءِ ضلور ت ءِ سر ءَ زور دیان ءَ گوشت کہ پبلک پرائیویٹ پارٹنر شپ ملک ءَ وانگ ءُُ زانگ ءِ دیمروئی ءُُ کد ءُُ بالاد ءَ را گہتر جوڑ کنگ ءَ ارزشتی ایں کرد ءِ پیلو کت کنت ۔ آئی ءَ نودربر آنی سر ءَ توا میں ھاٹیگ ءِ در جنگ ءِ زانت ءِ سر ءَ ھرچ کنگ ءِ ضلورت ءِ سر ءَ زور پر دیان ءَ گوت کہ تئی وانگ ءُُ زانگ ءِ در کنگ ءِ ارچی موہ رستگ ایشی ءَ چہ سیت چست کنگ ءُُ جوانی ءَ گوں زانشت ءِ ھیل کنگ ءِ موہ رستگ ایشی ءَ چہ گیشاں چہ گیش سیت چست بکن ات ءُُ جوانی ءَ گوں زانشت در جنان ءَ ملک ءُُ راج ءِ نام ءَ روژنا بکن ات ۔ آئی ءَ گوشت کہ سکول آنی تہ ءَ اسلامی زانشت ءِ سر ءَ ھاسیں رنگ ءَ دلگوشی دیگ ءَ ضلورت ءِ سر ءَ زور پر دات ۔ آئی ءَ خیبر پختونخوا ءَ جوانیں زانشت ءِ گہتری ءِ واستہ کتگیں گامگیج آنی تران کنان ءَ گوشت کہخیبر پختونخوا ءَ زانشت ءَ را گہتر کنگ ءِ بدولت ءَ صوبگ ءَ نودربر یک مزنیں کساسے ءَ پروئیویٹ سکول ءَ در اتکگ ءُُ سرکاری اسکول آنی تہ ءَ داخلہ بوتگ اَنت ۔ آئی ءَ گوشت کہ ورنا آنی سر ءَ اے کوشست ءِ تہ ءَ گیشاں چہ گیش کرد پیلو کنگ ءِ ضلورت ءِ سر ءَ زور پر دات ۔
