مرچی ادارگ آں ی نیام ءَ وت مہ وت ڈیک ورگ ءِ واھشت داروکیں مردم آنی مایوسی ءِ روچ انت، چیف جسٹس آصف سعید کھوسہ پاکستان ءِ شرپ مندیں جج آنی تہ ءَ یک ات
اسلام آباد ۔ 28 نومبر (اے پی پی) مزن وزیر عمران خان ءَ گوشت کہ مرچی ادارگ آنی نیام ءَ وت مہ وت ڈیک ورگ ءِ وسیلگ ءَ نہ وشیں جاور آنی واھشت ءِ داروکیں مردم مایوسی ءِ آماچ بوتگ اَنت ، چیف جسٹس آف پاکستان جسٹس آصف سعید کھوسہ پاکستان ءِ شرپ مندیں جج آنی تہ ءَ یک ات ۔ پنچ شمبے ءِ روچ ءَ ٹویٹر ءَ وتی کلوہ ءَ مزن وزیر ءَ گوشت کہ مرچی ادارگ آنی نیام ءَ وت مہ وت ڈیک ورگ ءِ واھشت ءَ داروکیں مردم مایوسی ءِ آماچ بوتگ انت ۔ آئی ءَ گوشت کہ مرچیگیں روچ ءَ مئے ڈنی دژمن ءُُ مئے اندر ءَ استیں ڈنگ آنی واستہ ٹوھیں مایوسی ءِ روچ انت آئی ءَ ملکی دولت لُٹگ ءُُ ڈن ملک ءَ جم کتگ ءُُ ملک ءَ نہ وشیں جاور آنی سربب ءَ وتی دولت ءَ را محفوظ جوڑ کنگ ءِ واھشت ءَ دار انت ۔ مزن وزیر ءَ گوشت کہ ریکاٹ ءِ واستہ اے گوشگ لوٹاں کہ چیف جسٹس آصف سعید کھوسہ پاکستان ءِ شرپ مندیں جج آنی تہ ءَ جج اَنت ءُُ من آوانی سک باز شرپ ءُُ ازت ءَ کناں ۔ آئی ءَ گوشت کہ مئے گل ھما اولی گل انت کہ آئی ءَ 23سال ءَ چہ پیسر آزاتیں آمید گس ءُُ کانود ءِ سروکی ءِ گپ کتگ ۔ 2007ءَ چہ پی ٹی آئی آزاتیں آمید گس ءِ جنز ءَ درستاں چہ دیمتر بوتگ ءُُ آمید گس ءِ آزاتی ءِ جنز ءِ رد ءَ مناں جیل ءَ ھم روان دیگ بوتگ ۔
