2013-14 ءِ منی ءُُ عرفات ءَ حج انتظامی آنی پٹ ءُُ پول کنان ءَ رپوٹ یک ماھے ءَ پیش کنگ، ای ٹی پی ءِ نیمگ ءَ ابید اجازت ءَ سرمایہ کاری کنوک آنی پٹ ءُُ پول ءِ شون
اسلام آباد ۔ 28 نومبر (اے پی پی) پبلک اکاءونٹس کمیٹی ءِ جھلی کمیٹی ءِ دیوان پنچ شمبے ءِ روچ ءَ پارلیمنٹ گس ءَ کمیٹ ءِ کنوینر شیری رحمان ءِ سروکی ءَ بوت ۔ دیوان ءَ کمیٹی ءِ باسک سینیٹر مشاہد حسین سید ءُُ سیمی ایزدی ءَ ھوار سیادی داروکیں سرکاری ادارگ آنی ٹوھیں کارندہ شریک اتنت ۔ وزارت ءِ نیک راھی کار ءَ 2013-14ءِ آڈٹ بُکگ آنی چار ءُُ بچار کنگ ءِ ساھت ءَ آڈٹ کارندہ آں پی اے سی ءَ را گوشت کہ منیٰ ءُُ عرفات ءَ حج انتظامی آنی تہ ءَ کرپشن کنگ بوت ایشی ءِ سر ءَ پبلک اکاءونٹس کمیٹی ءَ وزارت ءِ نیک راھی کار ءَ پنت ءُُ شون کت کہ ایشی ءِ سر ءَ پٹ ءُُ پول کنان ءَ یک ماھے ءَ رپوٹ پی اے سی ءَ را پیش کنگ بہ بیت ۔ آڈٹ کارندہ آں گوشت کہ کرتار پور راہداری ءَ آڈٹ ھم بندات کنگ بوتگ ۔ سینیٹر مشاہد حسین سید ءَ گوشت کہ کرتار پور راہداری یک ٹوھیں منصوبگ ات، انڈیا ءَ ایشی ءِ سر ءَ درستاں چہ گیش تکلیف بوتگ ۔ وزارت ءِ نیک راھی کار ءِ کارندہ آں گوشت کہ کرتار پور کوریڈور ءِ جیڈھ یک یونٹ ءِ وتی زمہ واری ءَ کنت ایشی ءِ تہ ءَ سیکورٹی، امیگریشن ءُُ نیک راھی ادارگ ھوار انت ۔ چیئرمین ’’متروکہ املاک بورڈ‘‘ ءَ گوشت کہ اویکپوٹرسٹ ءِ کراّ یک لکھ ھشت ہزار ایکڑ زمین است انت ایشی ءِ سر ءَ مشاہد حیسن سید ءَ گوشت کہ ریلوے ءَ چہ پد پاکستان ءَ حکومتی سیکٹر ءَ ای ٹی پی ءِ کراّ درستاں چہ گیشتریں زمین است ۔ چیئرمین ای ٹی پی ءَ گوشت کہ یک لکھ ھشت ہزار ایکڑ ءَ چہ 45ہزار ایکڑ زمین ایوک ءَ ننکانہ صاحب ءَ است ۔ آڈٹ کارندہ آں گوشت کہ ای ٹی پی ءِ لستیں زمین ءُُ پراپرٹی ءَ را کمو نیاد ءِ سر ءَ بھا ءُُ لستین آناں لیز ءِ سر ءَ دیگ بوتگ ۔ آئی ءَ گوشت کہ ای ٹی پی ءَ شیل کمپنی آنی سرمایہ کاری کتگ ۔ پی اے سی ءِ جھلی کمیٹی ءَ گوشت کہ ای ٹی پی ءَ را سرمایہ کاری ءِ موہ نیست انت، اے واءٹ کالر کرائم ءِ رد ءَ اوشتیت، ایشی ءِ پٹ ءُُ پول کنگ بہ ب یت ۔
