ہرچ ادارگءَ را راجی ادارگانی مینڈیٹءِ شرپء ُ عزت کنگ لوٹ ایت، بنجاہی وزیر فواد حسین چوہدری

اسلام آباد ۔ 27نومبر(اے پی پی) سائنسء ُ ٹیکنالوجیءِ بنجاہی وزیر فواد حسین چوہدری ءَ گشتگ کہ ہرچ ادارگءَ را راجی ادارگانی مینڈیٹءِ شرپء ُ عزت کنگ لوٹ ایت ۔ چارشمبے ءِ روچءَ وتی یک گلگودارے ءَ فواد حسین چوہدری ءَ گشتگ کہ چیف ایگزیکٹو آئین ءِ ردءَ کجام ہم شخص ءِ تعیناتی یا آئیءِ مدتءَ گیش کُت کنت ۔ آئیءَ گشتگ کہ ما جج آنی شرپء ُ عزت ءَ کناں ۔ آرمی چیف ءِ مدتءَ را گیش کنگءِ جستءِ پسوءَ بنجاہی وزیرءَ گشتگ کہ پہ ملک ءِ ھاترءَ گہتر اِنت کہ چیف آف آرمی سٹاف ءِ جیڑہ ءِ سرءَ باستء ُ واست کنگ مہ بیت ۔