اسلام آباد ۔ 27نومبر(اے پی پی) تہی کارانی وزیر اعجاز شاہ ءَ گوں اٹلی ءِ انڈر سیکرٹری مانلیو دی سٹیفانو ءِ گندء ُ نندکتگ ۔ اے موہءَ اٹلی ءِ سفیر پونٹیکوروہم ساڑی بوتگ ۔ تہی کارانی وزارت ءِ نیمگءَ چہ جاری بیانءِ ردءَ اٹلی ءِ ڈلءَ شش مردم ہوار بوتگ ۔ گندء ُ نندءَ دونیمگی کارانی سرءَ ھیالء ُ لیکہ ءِ درشانی کنگ بوتگ ۔ اٹلی ءِ ڈل ءَ سکیورٹی ءِ جاورھال ءَ را گہتر کنگء ُ اسلام آباد ءَ را فیملی اسٹیشن ءِ بستار یک رندے پدا رسگءَ تہی کارانی وزیر ءِ کردءَ را سا ڑا تگ ۔ اطالوی انڈر سیکرٹری ءَ گشتگ کہ پاکستان ءِ نیمگءَ کمک کنگءِ شگرء ُ منت ۔ تہی کارانی وزیر اعجاز احمد شاہ ءَ گشتگ کہ بازیں پاکستانی اٹلی ءَ اَنت ء ُ معاشی دیمروئی ءَ جوانیں کرد پیلو کنگءَ اَنت ۔ تہی کارانی وزیر ءَ گشتگ کہ اٹلی ء ُ پاکستان ءِ سیادی ءَ را گیش گہتر کنگءِ ھاترءَ شمے سرء ُسوجانی سرءَ کار کنگ بیت ۔
