اسلام آباد ۔ 27 نومبر (اے پی پی) مزن وزیر عمران خان ءَ گوشت کہ ملکی جوڑیشتی صنعت ءَ را جوانیں جاور پجارینگ ءِ واستہ جزمیگ انت، استیں حکومت ٹیکنالوجی ءِ کارمردی ءِ سر ءَ دلگوشی دیگ ءَ انت، کاروباری چست ءُُ ایر ءَ بنی آدمی مانجائی ءَ را کم کنگ، کرپشن ءِ گر ءُُ دار ءُُ ساپ ءُُ سلہ یکیمی جوڑ کنگ ءِ وستہ ڈیجیٹل پراسیس بندات کنگ ءَ انت ۔ اے ھیالانی درشانی آئی ءَ انجینئر ارشد داد خان ءِ سروکی ءَ کنسٹرکشن ایسوسی ایشن آف پاکستان ءِ ڈل ءَ گوں تران کنان ءَ کت ۔ ڈل ءَ چار شمبے ءِ روچ ءَ مزن وزیر عمران خان ءَ گوں مزن وزیر کارگس ءَ گند ءُُ نند کت مزن وزیر کارگس ءِ نیمگ ءَ جاڑی بوتگیں بیان ء، رد ءَ بنجاھی وزیر برائے منصوبگ بندی اسد عمر ھم اے موہ ءِ سر ءَ ساڑی ات ۔ ڈل ءَ جوڑیشتی شوبگ ءِ صنعت ءِ منظوری دیگ ءِ ھوالگ ءَ مزن وزیر ءِ وژن ءُُ استیں حکومت ءِ نیمگ ءَ ملک ءَ کمو نیاد ءِ گس آنی واستہ کتگیں گامگیج آناں ساڑات ۔ ڈل ءَ کنسٹرکٹرز آناں جیڈھ آنی بابت ءَ مزن وزیر ءَ را سرپد کت ءُُ گوشت کہ اے جیڈھ آنی گیواری ءِ واستہ شور ءُُ مشور، کنٹسٹرکشن اینڈ انفراسٹرکچر بورڈ ءِ جوڑیشت ، پروکیورمنٹ امبیوڈسمین ءِ کارگس ءِ برجائی، ھندی جوڑیشتی صنعت ءِ کار رپک ءِ تہ ءَ گیشی، کانود، آڈٹ ءِ کار رپک، کد ءُُ بالاد ءِ کمی ءُُ ٹیکس آنی نوک سر چار ءُُ بچار ھوار انت ۔ مزن وزیر عمران خان ءَ اے شور ءُُ مشور آناں وش اتک کنان ءَ گوشت کہ استیں حکومت ملکی جوڑیشتی صنعت ءَ را جوانیں جاور پجارینگ ءِ واستہ جزمیگ انت ۔ مزن وزیر ءَ گوشت کہ استیں حکومت ٹیکنالوجی ءِ کارمردی ءِ سر ءَ دلگوشی دیگ ءَ انت ءُُ کاروباری چست ءُُ ایر ءَ بنی آدمی مانجائی ءَ را کم کنگ، کرپشن ءِ گر ءُُ دار ءُُ ساپ ءُُ سلہ ئی ءَ را دل یکیمی کنگ ءِ واستہ ڈیجیٹل پراسس بندات کنگ ءَ انت ۔
