اسلام آباد ۔ 27 نومبر (اے پی پی) مزن وزیر عمران خان ءَ گوشت کہ حکومتی کوشست آنی سبب ءَ مرچی ملک ءَ معاشی برجائی انت، استیں معاشی برجائی ءُُ اقتصادی ٹِک آنی گہتری ءِ کار ءَ را دیم ءَ جنزینگی انت ءُُ کاروباری تبک ءِ واستہ جوانیں جاور آناں گہتر جوڑ کنگی انت تانکہ معاشی دیمروئی ءِ کار ءِ تہ ءَ گیش ترندی کنگ بہ بیت، ڈن ملکی پاکستانی آنی نیمگ ءَ رستگیں شنگیں زرّ ملکی معشیت ءِ تہ ءَ ارزشتی بستار ءِ دار انت، ایشانی آسراتی ءِ واستہ ھمک رنگ ءِ گامگیج چست کنگ بہ بیت ۔ اے ھیالانی درشانی آئی ءَ چار شمبے ءِ روچ ءَ حکومتی معاشی ٹیمب ءِ دیوان ءِ سروکی ءَ کنان ءَ کت ۔ دیوان ءَ بنجاھی وزیر برائے رسانک مراد سعید، بنجاھی وزیر برائے اقتصادی کار حماد اظہر، بنجاھی وزیر نیشنل فوڈ سیکورٹی مخدوم خسرو بختیار، بنجاھی وزیر ءِ پرائیوٹائیزیشن میاں محمد سومرو، بنجاھی وزیرت منصوبگ بندی اسد عمر، بنجاھی وزیر ھاٹیگ عمر ایوب، مزن وزیر ءِ مشیر برائے تجارت عبدالرزاق داءود، مزن وزیر ءِ مشیر برائے ھزانگ ڈاکٹر عبدالحفیظ شیخ، مزن وزیر ءِ ھاسیں کماکر برائے چاگردی رکھینگ ڈاکٹر ثانیہ نشتر، مزن وزیر ءِ ھاسیں کمکار بدیم بابر ، چیئرمین سرمایہ کاری بورڈ سید زبیر حیدر گیلانی ، گورنر سٹیٹ بنک رضا باقر، چیئرمین نوکیں پاکستان ہاءوسنگ اتھارٹی لیفٹیننٹ جنرل (ر) انور علی حیدر، سیادی داروکیں محکمہ آنی سیکرٹریز ءُُ کلانہ ایں اپسرگ آں بھر زوری کت ۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ دیون ءَ ڈن ملک ءَ نندوکیں پاکستانی آنی نیمگ ءَ کانودی رپک آں چہ ملک ءَ زرّ ءِ شنگ ءُُ تالان ءُُ روان دیگ ءِ ھوالگ ءَ گیشینتگیں آسراتی پیکج مزن وزیر ءَ را پیش کنگ بوت ۔ دیوان ءَ آسراتی پیکج ءَ زرّ ءِ شنگ ءُُ تالان ءِ دیمروئی ءِ ھوالگ ءَ بنک ءُُ ایکسچینج کمپنیوں آناں ھاسیں آسراتی دیگن ء، شور ءُُ سلاھ دیگ بوت ۔ ڈن ملک ءَ تواکیں مردم آنی واستہ بنک اکاءونٹ پچ کنگ ءِ شرط لازمی نامینگ بوت ۔ پاکستان پوسٹ ءِ نیمگ ءَ گوشگ بوت کہ زرّ ءِ شنگ ءُُ تالان ءِ تہ ءَ کمکاری کنگ ءِ واستہ پاکستان پوسٹ ءِ نامینتگیں ڈاکخانہ آنی کساس 240ءَ چہ ودینان ءَ 3200کنگ بوتگ ادا ڈن ملک ءَ چہ آیوکیں زرّ شنگ ءُُ تالان کنگ بنت، اے رد ءَ پاکستان پوسٹ ءُُ نیشنل بنک آف پاکستان ءِ نیام ءَ منوگر گیشینگ بوت ۔ مزن وزیر ءَ بریفنگ ءِ ساھت ءَ گوشت کہ اسٹیٹ بینگ آف پاکستان جندی بنک آناں زرّ ءِ شنگ ءُُ تالان ءِ رد ءَ کار کرد ءِ بنیات ءَ آسراتی پیکیج دنت انت ۔ اے موہ ءِ سر ءَ مزن وزیر ءَ گوشت کہ ڈن ملک ءَ پاکستانی ملک ءِ مڈی انت ایشانی آسراتی ءِ واستہ ھمک رنگ ءِ گامگیج چست کنگ بہ بیت ۔ مزن وزیر ءَ پنت ءُُ شون کت کہ اے گپ ءَ را دل یکیمی کنگ بہ بیت کہ ڈن ملک ءَ پاکستانی آنی نیمگ ءَ چہ روان داتگیں سرج میں زرّ ھاندان ءَ تاں سر کنگ بیت ۔ دیوان ءَ گوشگ بوت کہ ٹیکسٹائل ءُُ لیدر ءِ کارخانہ آنی دیمروئی ءِ واستہ دراج بُریں پالیشی جوڑ کنگ ءِ سر ءَ کار جاڑی انت تانکہ فروری 2020ءَ تاں سرجم کنگ بہ بیت ۔ مشیر ءِ تجارت ءَ دیوان ءَ گوشگ بوت کہ میڈیکل ءِ شوبگ ءَ ڈن ءَ روان دیگی چیز ءُُ مشینری آنی سر ءَ ڈیوٹی ھلاس کنگ ءِ حکومتی پیسلہ آنی سر ءَ کار کنگ بوتگ ۔ مزن وزیر ءَ دیوان ءَ گشتانک دیان ءَ گوشت کہ استیں حکومت ءَ سکیں جاور آنی تہ ءَ حکومت ءِ تچ ءُُ تاگ وتی کوپگ آں زُرتگ ۔ آئی ءَ گوشت کہ حکومتی کوشت آنی سبب ءَ مرچی ملک ءَ معاشی برجائی انت ءُُ سرمایہ کاری ءُُ کاروباری برات آنی دل یکیمی برجا بوتگ ءُُ جوانیں رند پد دیم ءَ پیداک انت ۔ آئی ءَ گوشت کہ استیں معاشی برجائی ءُُ اقتصادی ٹک آنی گہتری ءِ کار ءَ را دیم ءَ جنزینگی انت ءُُ کاروباری تبک ءِ واستہ جاور گہتر جوڑ کنگی انت تانکہ معاشی دیمروئی ءِ کار ترند تر کنگ بہ بیت ۔
