پشاور۔ 27 نومبر (اے پی پی)سر وزیر خیبرپختونخوا محمودخان ءَ سپیکرراجی اسمبلی اسدقیصرءِ گوما چار شمبے ءَ ادا پشاورءِ تہ گند ءُُ نند کتگ۔گند ءُُ نند ءِ تہ ملکی جاورھال ءُُ وت مہ وتی اندوہناکی ءِ معاملہانی سرا ھیال ریچی کتگ،گند ءُُ نند ءِ تہ سر وزیر خیبرپختونخوا ءَ صوبہ ءِ تہ جاڑی دیمروئی منصوبگ آنی سرا سپیکر ءَ سرپد کتگ ءُُ اے جزم ءِ درشان کتگ کہ ملکی دیمروئی ءُُ وشھالی ءِ ھاترا دراھ ءَ را پج ءَ کار کنگ بیت۔سر وزیر ءَ گوشت کہ مارءَ مہلوک ءِ امیت آنی سرا پیلو بوھگی انت۔آہاں گوشت کہ صوبگ ءِ تہ اولی رندءَ مہلوک ءَ یک پارلیمانی گل ءَ را دوبر گچین کتگ ہمہ کہ پی ٹی آئی حکومت ءِ سوبمندءِ کارکردگی ءِ ثبوت انت۔
