چیف الیکشن کمشنر جسٹس (ر) سردار محمد رضا ءِ سیمی 5 سالی سٹریٹیجک پلانءِ برجاہی ءِ موہ ءِ سرا گشتانک
اسلام آباد۔ 27 نومبر (اے پی پی) الیکشن کمیشنءَ سیمی پنچ سالی سٹریٹیجک پلان ءِ برجاہی کتگ انت ہمہ کہ 2019ءَ چہ 2023ءِ وھد ءُُ پاس انت وھدیکہ چیف الیکشن کمشنرجسٹس (ر) سردار محمد رضا ءَ گوشت کہ پارلیمنٹ ءُُ ریاست ءِ دگہ ادارگہاں چہ دزبندی انت کہ آں الیکشن کمیشن ءِ ضرورت ءِ ردا چکاریں کمک کن انت۔کانودءِ تہ بدلی ءِ باروا پارلیمان ضلوری کانود ساچی ءَ کن ایت۔چار شمبے ءَ الیکشن کمیشن ءِ سیکرٹریٹ ءِ تہ سیمی 5سالی سٹریٹیجک پلان ءِ برجاہی ءِ موہ ءِ سرا تران کنان ءَ کتگ ات،آہاں گوشت کہ الیکشن کمیشن ءَ ایشی ءَ چہ پیسرءَ دومی سٹریٹیجک پلان ءِ سرا عمل کنان ءَ لہتیں منزل سر کتگ ات ءُُ جمہوری عمل ءَ را دیما برگ ءِ تہ وتی آئینی زمہ واری سرجم کتگ ات۔آہاں گوشت کہ پاکستان ءِ تہ کمو اے رنگیں ادارگ انت ہمہ کہ وتی سٹریٹیجک پلان جوڈ کنگ انت ءُُ جامع منصوبگ بندی ءِ ردا ایشی ءِ سرا عمل پیرا بوھگ انت۔آہاں گوشت کہ اے منصوبگ ءِ جوڈ کنگ ءِ تہ ہمہ بھراں چہ گوستگ ات ایشی ءِ کوکا گوستگیں لس گچینکاری ءِ ھوالہ چہ درملکی ءُُ ملکی مبصرین ءَ جوڈ کتگیں چارءُُ ٹپاسی رپورٹ ءَ را چماں ایر کنان ءَ جوڈ کتگ۔ایشی ءِ تہ گچینکاری ءُُ ایشی ءَ چہ ہمگرنچ دگہ دراھیں معاملہ ءِ چارءُُ تپاس کنان ءَ باندات ءِ ٹارگٹ ایر کتگ ات ایشانی سرجمی ءَ چہ نہ ایوکا ادارہ جاتی دیمروئی عمل ءَ کائیت بلکہ ایشی ءَ چہ گیش ارزشت ءِ چیز ایش انت کہ الیکشن کمیشن وتی بنیاتی آئینی زمہ واری یعنی آزادانہ،منصفانہ ءُُ غیرجانبدارانہ گچینکاری ءِ برجم داری ءِ ھوالہ چہ گہتر پوزیشن ءِ تہ بیت۔آہاں گوشت کہ چاگردءِ اے رنگیں تبکانی کہ آہانی توار موثر نہ سرپد کنگ بوھگ ات آہاں را ھم جمہوری ءُُ گچینکاری کارءِ تہ چکاریں بھرزوری ءِ ھاترا شریں گامانی جزم ھوار انت۔اے وڈ ءَ گچینکاری شکاستءِ زوتاں زوت گچینکاری کانودءِ سرا گیش گہتری ءِ ھاترا پارلیمان ءِ کمک، پولنگ سٹیشن آنی تہ گہتر آسراتی آسراتی ءِ ھاترا ہمگرنچیں حکومتاں گوں ھواری ءَ گچینکاری عملہ ءِ ہیلکاری ءِ عمل ءِ تہ گیش گہتری ءُُ الیکشن کمیشن ءِ تہی نظام ءَ را شر کنگ ءِ وڈیں منصوبگءِ بھر انت۔آہاں گوشت کہاے پنچ سالی منصوبگ ءِ سرا وڈ ءُُ پیم ءَ را سدکی جوڈ کنگ ءِ ھاترا مانیٹرنگ ءِ نظام ھم پدر کتگ۔آہاں گوشت کہ اے منصوبگ ءِ جائزگ گران ءَ چیزے گپ توجہ طلب انت کہ آں اے منصوبگ ءِ تہ لہتیں چیلنجز ءُُ خدشات ءِ درشان ھم کنگ بوتگ آہانی ڈائریکٹ سیادی عملدارامد ءِ باروا چہ دری فریقان گوں انت۔آہاں گوشت کہ من اے موہ ءَ چہ پائدگ ءَ چست کنان ءَ پارلیمان ءُُ ریاست ءِ دگہ ادارگہاں چہ ھم دزبندی کناں کہ آں الیکشن کمیشن ءِ اودا کہ ضلورت پیش انت کہ سرجم کمک پھجارانت ءُُ اودا کہ کانود ءِ تہ بدلی ءِ ضلورت انت پارلیمنٹ اے ھوالہ چہ کانود ءِ تہ ضلوری بدلی ءَ کارایت۔آہاں گوشت کہ گوستگیں پارلیمنٹ ءِ تہ الیکشن کمیشن ءَ را مالی ءُُ انتظامی وت واکی دہگ ءِ ھوالہ چہ کانود ساچی کتگ بلے اے انتظامی ءُُ مالی وت واکی ءَ را ایشی ءِ روح ءِ ردا وڈ ءُُ پیم کنگ ءِ ھوالہ چہ انتظامیہ ءِ نیمگا چہ کمک درکار انت۔آہاں گوشت کہ الیکشن کمیشن ءِ سٹریٹیجک پلاننگ کمیٹی ءُُ ایشی ءِ ردا کار کنوکیں سٹریٹیجک پلاننگ کور گروپ ءَ را مراد باتی پیش کناں کہ آہاں باز کسبی بود ءَ را کارمرز کنان ءَ یک مچ کثیرالجہتی منصوبگ جوڈ کتگ ہمہ کہ باندات ءِ چیلنجزءُُ آہاں گوں دیم دیگ ءِ سرجم روڈ میپ ءَ دیگ انت۔آہاں گوشت کہ آں اے موہ ءِ سرا اے منصوبگ ءِ عملدرآمد ءِ ھاترا چکاریں تکنیکی کمک پھجارگ ءِ سرا یواین ڈی پی ءُُ ڈی اے آئی ءِ ھم منت وار انت کہ آہاں گوست ءِ وڈ ءَ اے رندءَ ھم چکاریں کمک کتگ۔آہاں گوشت کہ مہ دعاگو انت کہ باندات ءِ تہ الیکشن کمیشن پیسرءَ چہ گیش مھکم ادارگ جوڈ بیت ایشی ءِ آسرءَ ملک ءِ تہ جمہوری کلچر دراج بیت۔
