اسلام آباد۔ 27 نومبر (اے پی پی) سپیکر راجی اسمبلی اسد قیصر ءَ گوشت کہ پاکستان رومانیہ ءِ گوما وتی وشیں دوستی ءِ سیادی ءَ را باز ارزشت دیئگ انت،پاکستان پارلیمانی ءُُ بیئپاری کمک ءَ راودکی دات دودیمی سیادی ءَ را گیش مھکم جوڈ کنگ ءِ واھگدارانت۔اے گپ آہاں رومانیہ ءِ سفیر نیکولے گویا ءِ گوما گپ ءُُ تران کنان ءَ کتگ ات،آہاں ءَ چارشمبے ءَ ادا سپیکر ءِ گوما گند ءُُ نند کتگ۔ سپیکر راجی اسمبلی ءَ گوشت کہ رومانیہ یورپی یونین ءِ یک ھاسیں ملک انت ءُُ یورپی یونین ءِ یک ھاسیں ملک انت ءُُ یورپی منڈیانی تاں پاکستانی چیزانی تاں ایکسیس ءِ تہ ھاسیں کرد ادا کت کن ایت۔آہاں گوشت کہ یورپی یونین ءِ تہ جی ایس پی پلس سٹیٹس ءِ زورگ ءِ تہ رومانیہ ءِ پلہ مرزی ءَ را شرپے چماں چارگ انت۔دوئیں ملکانی پارلیمنٹ باسک دودیمی سیادی ءَ را مھکم جوڈ کنگ ءِ تہ ھاسیں کرد ادا کت کنیں۔رومانیہ ءِ گوما پارلیمانی سیادی ءَ را پراھی دیگ ءِ ھاترا پاک۔رومانیہ فرینڈشپ گروپ جوڈ دیگ بوتگ۔ پاکستان ءِ تہ سرمایہ کاری ءِ لہتیں موہ ساڑی انت۔ سپیکر راجی اسمبلیءَ گوشت کہ ناروے ءِ تہ قران پاک ءِ بے شرپی ءِ واکیہ باز اپسوزناک انت۔اے وڈیں واکیہ لہتیں مذہبانی منوکانی میان ءَ ساڑ ءُُ جیڈھانی سبب جوڈ بوھگ انت۔آہاں گوشت کہ اے رنگیں واکیہ آنی گرودار ءِ ھاترا میاں اوستمانی تبک ءِ سرا یک مچ پلان ءِ ضلورت انت۔ آہاں گوشت کہ پاکستان ءِ استیں پارلیمان دیمروئی دوست سیاسی تاگت ءَ ھوار انت ءُُ راجی ارزشت ءِ معاملہانی سرا یک وڈیں موقف ایر کنگ انت۔آہاں گوشت کہ سی پیک منصوبگ باز ارزشت دار انت ءُ ایشی ءَ چہ دراھیں خطہ ءِ تہ دیمروئی ءُُ وشھالی ءِ نوکیں راھ پچ بنت۔ رومانیہ ءِ سفیرءَ گوشت کہ رومانیہ پاکستان ءِ گوما وتی دیریگیں دوستی ءِ سیادی ءَ را باز شرپے چماں چارگ انت۔پاکستان خطہ ءِ ھاسیں ملک انت ءُُ رومانیہ پاکستان ءِ گوما سیادی ءَ را پراھی دیگ ءِ واھشتمند انت۔آہاں گوشت کہ دوئیں ملکانی تہ اقتصادی ءُُ چاگردی کمک ءَ را پراھی دیگ ءِ دراجیں موہ ساڑی انت۔ رومانیہ ءِ سفیر نیکولے گویا ءَ گوشت کہ وھد ءَ گوں دوئیں ملکانی میان ءَ سیادی مھکم بوھگ انت۔خطہ ءِ گہبودی ءُُ میاں اوستمانی چیلنجز ءَ گوں دیم دیگ ءِ ھاترا دوئیں ملکانی میان ءَ سوگو ءِ شراکت داری اژدری انت۔آہاں گوشت کہ رومانیہ ناشرکاری ءِ ھلاپ ءَ جنگ ءِ تہ پاکستان ءِ کوشستانی ستا کتگ۔آہاں گوشت کہ پاکستان ءِ تہ سرمایہ کاری ءِ دراجیں موہ ساڑی انت،سی پیک منصوبگ ءِ سبب ءَ چہ دگنیا ءِ سرمایہ کارانی چم پاکستان ءِ سرا انت۔
