اسلام آباد۔ 27 نومبر (اے پی پی) مزن وزیر عمران خان ءَ جندی شوبگ ءِ دیمروئی منصوبگ ءِ دیمروئی منصوبگ آنی گیشاں چہ گیش بھر زوری ءَ استیں پینگ آنی دور کنگ ءِ جزم ءِ درشان کنان ءَ وزارت آنی اے ھوالگ ھمک رنگ ءِ آسراتی پجارینگ ءِ واستہ استیں کانود آنیس ر ءَ چار ءُُ بچار گرگ ءِ پنت ءُُ شونگ کت، مزن وزیر ءَ وزیر ءُُ صوبائی چیف سیکرٹریز آناں ھم پنت ءُُ شون کت کہ آ وتی سیادی داروکیں محکمہ آنی تہ ءَ اے رنگیں دیمروئی منصوبگ آناں نشان بدینت ھمودا کمکاری، کانود آناں آسان جوڑ کنان ءَ یا کم مالی آسراتی جنان ءَ دیمروئی منصوبگ آنی سر ءَ کار بنگیج کنگ بیت کنت۔ آئی ءَ اے پنت ءُُ شون چار شمبے ءَ ملک ءَ معاشی کار ءَ را گیش ترند کنگ ءُُ پبلک پرائیویٹ پارٹنر شپ ءُُ جندی شوبگ ءِ شریکداری ءَ جتا جتائیں شوبگ آنی تہ ءَ دیمروئی منصوبگ بندات کنگ ءِ ھوالگ ءَ مزن تکی دیوان ءِ سروکی ءَ کنان ءَ کت۔ دیوان ءَ بنجاھی وزیر برائے بالی کار غلام سرور خان، بنجاھی وزیر رسانک مراد سعید، بنجاھی وزیر برائے گلگت بلتستان ءُُ کشمیر ءِ کار علی امین گنڈاپور، بنجاھی وزیر برائے بین الصوبائی رابطہ ڈاکٹر فہمیدہ مرزا، بنجاھی وزیر برائے انفارمیشن ٹیکنالوجی خالد مقبول صدیقی، بنجاھی وزیر برائے نیشنل فوڈ سیکورٹی مخدوم خسرو بختیار، بنجاھی وزیر منصوبگ بندی اسد عمر، بنجاھی وزیر ریلوے شیخ رشید احمد، مشیرھزانگ ڈاکٹر عبدالحفیظ شیخ، مشیر تجارت عبدالرزاق داؤد، چیئرمین سرمایہ کاری بورڈ سیّد زبیر گیلانی، سیادی داروکیں وزارت آں ی سیکرٹریز، صوبائی چیف سیکرٹریز، چیئرمین نوکیں پاکستان ہاؤسنگ اتھارٹی لیفٹنٹ جنرل (ر) انور علی حیدر ءُُ ایندگر کلانہ ایں اپسرگ آں بھر زوری کت۔ دیوان ءَ پبلک پرائیویٹ پارٹنرشپ ءُُ جندی شوبگ ءِ کمک ءَ چہ جتا جتائیں گامگیج ءُُ استیں کار رپک ءَ چہ دیمروئی منصوبگ آنی بندات ءِ ھوالگ ءَ سرجمیں گپ ءُُ تران کنگ بوت۔ دیوان ءَ را گوشگ بوت کہ حکومت ءِ نیمگ ءَ دیمروئی منصوبگ ھمودا چہ معاشی کار ترند بنت ھمودا نوکری ءِ موہ پیداک بنت پدا ھم حکومت ءِ گیشینتگیں آسراتی آنی سبب ءَ بازیں المی ایں دیمروئی منصوبگ آنی سر ءَ کار کنگ بوت کنت۔ اے لیکہ آنی رد ءَ حکومت ءِ اے کوشست انت کہ دیمروئی منصوبگ آنی تہ ءَ پبلک پرائیویٹ پارٹنرشپ آناں دیمروئی دیگ بیت ءُُ جندی شوبگ ءِ شریکداری ءَ ھمک رنگ ءِ آسراتی پجاری کنگ بیت تانکہ چاگردی ءُُ معاشی دیمروئی ءِ کار گیش ترند بہ بنت ءُُ ورنا آناں روزگار ءِ موہ بہ رس ایت۔ دیوان ءَ ھاٹیگ، رسانک، بالی کار، سیل ءُُ سواد، لاجسٹک، ٹیکنالوجی، ویسٹ مینیجمنٹ، سوشل سیکٹر، رئیل اسٹیٹ ءُُ ایشی ءَ چہ ابید جتا جتائیں شوبگ آنی تہ ءَ اے رنگیں منصوبگ آناں نشان دیگ بوت ھما وانی تہ ءَ جندی شوبگ ءِ شریکداری ءَ را دل یکیمی جوڑ کنانءَ ایشانی دیمروئی منصبوگ آناں پکوئیں رنگ دیگ بوت کنت۔ مزن وزیر ءَ دیوان ءَ گشتانک دیان ءَ گوشت کہ پاکستان ءِ ورنا آنی آباتی ملک ءِ کوھنڈگ ءُُ مڈی اَنت، ادا اے گپ ءِ ضلورت انت کہ ورنا آنی اے ٹیلنٹ ءَ را جوانین رنگ ءَ دیم ءَ آرگ بہ بیت۔ مزن وزیر ءَ وزیر ءُُ صوبائی چیف سیکرٹریز آناں پنت ءُُ شون کت کہ آ وتی وتی سیادی داروکیں محکمہ آنی تہ ءَ اے رنگیں دیمروئی منصوبگ آناں نشان بدینت ھمودا ایوک ءَ کمکاری، کانود ءَ را آسان جوڑ کنان ءَ کم مالی آسراتی ءَ چہ دیمروئی منصوبگ آنی سر ءَ کار بنگیج کنگ بیت کنت۔ مزن وزیر ءَ وزارت ءَ را پنت ءُُ شون کت کہ دیمروئی منصوبگ آنی تہ ءَ جندی شوبگ ءِ شریکداری ءَ را دل یکیمی جوڑ کنگ ءُُ ایشی ءِ ھمک رنگ ءِ آسراتی پجارینگ ءِ رد ءَ استیں کانود آنی سر ءَ چار ءُُ بچار کنگ بہ بیت تانکہ جندی شوبگ ءِ استیں پینگ آناں اولسر ءَ گیوار کنگ بہ بیت۔ اے رد ءَ مزن وزیر ءَ پنت ءُُ شون کت کہ پبلک پرائیویٹ پارٹنر شپ ءِ کانود ءَ ءَ ھم چار ءُُ بچار گرگ بیت تانکہ ایشی ءَ چہ جندی شوبگ ءِ دیمروئی ءَ کار آنی دلبڈی بہ بیت۔ مزن وزیر ءَ دیمروئی منصوبگ آناں ابید دگہ مھتل ءُُ پینگ ءَ سرجمی ءِ رد ءَ وزارت آنی وت مہ وتی نزیکی، صوبگ آنی وتہ مہ وت نزیکی ءُُ بنجاھی محکمہ آنی نیام ءَ کوآرڈینیشن ءُُ رابطہ ءَ را گیش گہتر جوڑ کنگ ءِ سر ءَ زور دات۔ آئی ءَ وزارت ءُُ صوبائی محکمہ آنی کار رپک آناں گیش ودینگ ءِ سر ءَ دلگوشی دیگ ءِ ضلورت ءَ را ھم سہرا کت۔
