پشاور۔ 27 نومبر (اے پی پی) وزیراعلیٰ خیبر پختونخوا محمود خان اسپیکر قومی اسمبلی اسد قیصر تون چارشنبے نا دے آ پشاور اٹی اوڑدہی کرے۔ اوڑدہی ٹی ملکی حالیت و تین پہ تینی است خواہی نا باندات آتیا گپ و تران کننگا، اوڑدہی ٹی وزیراعلیٰ خیبر پختونخوا صوبہ ٹی برجا شونداری ڈٹ آتیا اسپیکر قومی اسمبلی ءِ معلومدار کرے و داہیت انا عزم کرے کہ ملکی شونداری و شونہالی کن غٹ ءِ اوار ی اٹ کاریم کروئی مریک۔ وزیراعلیٰ پارے کہ ننے الس نا اومیت آتیا پورو سلوئی ءِ۔ اوپارے کہ صوبہ ٹی اولیکو وار الس اسہ پارلیمانی پارٹی اسے دُوارہ گچین کرینے، ہرا پی ٹی آئی حکومت نا سرسہب کارکڑدگی نا شاہدی اسے۔
