اسلام آباد۔ 27 نومبر (اے پی پی) بنجائی وزیر دفاعی پیداوار زبیدہ جلال پارینے کہ کراچی شپ یارڈ ہندی کہول آ جہاز آتا جوڑ و خودانحصاری نا قومی ہدف اٹی اہم کڑد ادا کننگ ءِ، او پاک بحریہ کن کراچی شپ یارڈ اٹی تیار کروک آ جہاز فاسٹ اٹیک کرافٹ (میزائل)4 نا لانچنگ نا دود آن بطور مہمان خاص تران کریکہ ہرا کراچی شپ یارڈ اینڈ انجینئرنگ ورکس اٹی اڈ ہلک۔ ترجمان پاک بحریہ نا رداٹ ایم ڈی شپ یارڈ ریئر ایڈمرل اطہر سلیم جہاز سازی نا ڈٹ ءِ مون آ تخا و اودے ملکی کہول آ خودانحصاری نا کنڈا اسہ اہم ءُ مزل نا نشان اس گوندا۔ دود آن تران کرسا بنجائی وزیر دفاعی پیداوار زبیدہ جلال پارے کہ کراچی شپ یارڈ ہندی کہول آ جہاز آتا جوڑ و خودانحصاری نا قومی ہدف اٹی اہم کڑد ادا کننگ ءِ۔ اوپارے کہ وزارت دفاعی پیداوار ملکی معاشی شونداری کن پوسکن آ شپ یارڈ انا قیام کن کوشست کننگ ءِ۔ ترجمان پاک بحریہ نا رداٹ ہندی وڑاٹ پاک بحریہ کن تیار کروک آ جہاز میزائل کرافٹ ءِ ہرا ملٹی مشن و پوسکن آ اینٹی شپ میزائل و سینسرز آن لیس مریک۔ کراچی شپ یارڈ اٹی ہندی وڑاٹ پاک بحریہ کن جہاز انا تیاری خودانحصاری نا کنڈا اسہ بھلو گام اسے۔
