اسلام آباد۔27نومبر(اے پی پی) صدر ڈاکٹر عارف علوی ءَ چارشمبے ءِ روچءَ دری کارانی وزارتءَ نہالے کشتگ۔ صدرءَ دری کارانی وزارت ءَ افریقی ملک آں تعینات پاکستانی سفیر آنی کانفرنس ءِ بُنگیجی مراگشءَ ہوار بوہگءَ پد دری کارانی وزارت ءَ وتی دستاں گوں نہالے کشتگ۔ صدرءَ شجرکاری ءَ پد بھارتی زُلمء ُناحقی ءِ آماچ مقبوضہ کشمیر ءِ مسلمان ء ُ پاکستانی آنی دیمروئی ء ُ سلامتی ءِ ھاترءَ حاسیں دعا کتگ۔ دری کارانی وزیر مخدوم شاہ محمود قریشی، بیپاری ءِ صلہ کار عبدالرزاق داؤد، زرکاری بورڈ ءِ چیئرمین، دری کارانی سیکرٹری سہیل محمود، سیکرٹری کامرس، افریقی ملک آنی سفیر ء ُ دری کارانی وزارت ءِ سینئر حکام ہم اے موہ ءَ ساڑی بوتگ اَنت۔
