سی پیک پاکستانءَ درملکی زرکاری ء ُ اسٹریٹجک معاشی دیمروئی ءِ ھاترءَ بیپارءِ کشکءَ پچ کنت، ہمارا پاکستان چیئرمین

اسلام آباد۔27نومبر(اے پی پی) پاکستان ءِ نجی پڑ چائنا پاکستان اکنامک کوریڈور (سی پیک) منصوبہ ءَ چہ سرجمیں کمک کنگءِ ھاترءَ جزم کتگء ُ امریکا یا ایندگہ ملک ءِ نیمگءَ چہ پاکستان ءِ دیمروئی ءَ کمک کنوکیں سی پیک ءِ سرءَ ایچ وڑیں اوشت ء ُ ایر جنگ سگء ُ اوپار کنگ نہ بیت۔ اے گپ ایف پی سی سی آئی ءِ پیسرگیں نائب صدر ء ُ سماجی ء ُ اقتصادی فورم ہمارا پاکستان ءِ چیئرمین ہمایوں سعید ءَ یک بیانے ءَ گشتگ۔ آئیءَ امریکہ ءِ ایگزیکٹو اسسٹنٹ سیکریٹری ایلس ویلز ءِ نیمگءَ چہ سی پیک ءَ ر اایر جنگءِ پسوءَ گشتگ کہ امریکہ ءِ ا ے حیال رد اِنت کہ سی پیک پاکستان ءِ واما گیش کنت بلکیں راستی اِیش اِنت کہ سی پیک پہ پاکستان ءَ درملکی زرکاری ء ُ اسٹریٹجک معاشی دیمروئی ءِ ھاترءَ دراں پچ کنت۔ ہمایوں سعید ءَ گشتگ کہ سی پیکءِ وسیلگءَ دگانی جوڑ کنگ ء ُ ریل نیٹ ورک ءَ را گہتر کنگ بوہگءَ اِنت۔ ہمایوں سعید ءَ اُلسی جمہوریہ چین ءِ سفیر ءَ را دیم دا تگیں وتی کلوہءَ گشتگ کہ پاکستان ء ُ چین ءِ نیامءَ استیں دیریگیں نزیکی ءَ چہ درس سرپد اَنت ء ُکس ایشی ء َ او شت مان کنگ نہ لوٹ ایت چیا کہ دوئیں ملک آنی اُلس پاکستا نء ُ چین دوستی ءِ سیادیءَ را گیش ترندء ُ مھکم گند گ لوٹاں۔