ہالینڈ ءِ کوئین میکسیما ءِ وتی ڈل ءِ ھمبراھی ءَ وزارت ءِ ھزانگ ءِ تر ءُُ تاب، مشیر ءِ ھزانگ ڈاکٹر عبدالحفیظ شیخ ءُُ آئی ءِ اقتصادی ٹیمب ءَ گوں سرجمیں گند ءُُ نند کت

مشیر ءِ ھزانگ ءَ کوئین میکسیما ءَ را پاکستان ءِ معیشت ءُُ معاشی جاور ھال آناں برجم کنگ ءِ ھوالگ ءَ حکومتی گامگیج ءُُ ایشی ءِ نتیجگ ءَ چہ جوانیں رند پد آنی ھوالگ ءَ سرپد کت
اسلام آباد۔ 26 نومبر (اے پی پی) ہالینڈ ءِ کوئین میکسیما ءَ وتی ڈل ءِ ھمبراھی ءَ وزارت ءِ ھزانگ ءِ تر ءُُ تاب کت ءُُ مزن وزیر ءِ مشیر ھزانگ ڈاکٹر عبدالحفیظ شیخ ءُُ آئی ءِ اقتصادی ٹیمب ءَ گوں سرجمیں گند ءُُ نند کت۔ گند ءُُ نند ءِ ساھت ءَ مشیر ءِ ھزانگ ڈاکٹر عبدالحفیظ شیخ ءَ کوئین میکسیما ءَ را پاکستان ءِ معیشت ءُُ معاشی جاور ھال آناں برجم جوڑ کنگ ءِ واستہ چست کتگیں حکومتی گامگیج ءُُ ایشانی نتیجگ آنی تہ ءَ دیمروئی ءِ ھوالگ ءَ سرپد کت۔ مشیر ءِ ھزانگ ءَ کوئین ءَ را گوستگیں چار، پنچ ماہ ءَ معیشت ءِ جتا جتائیں شوبگ آنی تہ ءَ جوانیں گہتری ھاسیں رنگ ءَ کرنٹ اکاؤنٹ وام آنی گوستگیں سال ءِ وھد ءُُ پاس ءِ رد ءَ 40درسد کمی، سامان آنی تہ ءَ 15 درسد گیشی، ھندی بانڈ مارکیٹ ءَ یک ارب ڈالر ءَ چہ گیش در ملکی سرمایہ کاری، یک شلیں در ملکی سرمایہ کاری ءَ 240 درسد گیشی، سوشل سیفٹی نیٹ بجٹ ءَ دو سر ئی گیشی، گیس ءِ پجاری ءَ سبسڈی ءَ ھوار ایندگر حکومتی گامگیج آنی بابت ءَ بریف کت۔