وزیر درئی کار شاہ محمود قریشی ءِ سینیٹ ءِ قائمہ کمیٹی برائے ادرئی کار ءِ دیوان ءَ گشتانک

اسلام آباد ۔ 26 نومبر (اے پی پی) وزیر ءِ درئی کار شاہ محمود قریشی ءَ گوشت کہ کشمیری الس آنی بھارتی لگت مالی ءَ چہ آجو کنگ ءُُ بھارت ءِ دروگیں پروپیگنڈا آناں سہرا کنگ ءِ واستہ ھمک فورم ءِ سر ءَ رواں ، ما کشمیر ءِ ھوالگ ءَ میاں اوستمانی سیمینار ءِ بندات کتگ ایشی ءِ تہ ءَ سرج میں دگنیا ءَ چہ بلدکار، ڈپلومیٹس آناں دلگوش کنگ بوتگ، اسلام فوبیا ءِ ھلاپ ءَ ملائیشیا، ترکی ءُُ گتر ءِ گوما یکجائی ءَ ھواریں گامگیج منوگر کنگ ءَ آں ۔ اے گپ آئی ءَ سینیٹ ءِ قائمہ کمیٹی برائے درئی کار ءِ دیوان آنی بابت ءَ سرپد کت ۔ سینیٹ ءِ قائمہ کمیٹی ءِ دیوان سئے شمبے ءَ چیئرمین کمیٹی سینیٹر مشاہد حسین سیدّ ءِ سروکی ءَ برجم دارگ بوت ۔ وزیر ءِ درئی کار شاہ محمود قریشی ءَ دیون ءَ ھاسیں رنگ ءَ بھر زوری کت ۔ وزیر ءِ درئی کار ءَ کمیٹی ءِ باسک آناں مقبوضہ جموں کشمیر ءِ جاور ھال ءُُ وزارت ءِ درئی کار ءِ نیمگ ءَ انوگ ءَ تاں بے کسوریں کشمیری آنی لگت مالی آرا میاں اوستمانی فورمز آنی سر ءَ سہرا کنگ ءِ واستہ کتگیں کوشست ءُُ صدر سیکورٹی کونسل ، صدر جنرل اسمبلی ءُُ سیکرٹری جنرل اقوام ءِ متحدہ ءَ نبشتیگیں نمدی آنی ھوالگ ءَ کمیٹی ءِ باسک آناں سرپد کت ۔ شاہ محمود قریشی ءَ گوشت کہ ما وتی سفارتخانہ آنی وسیلگ ءَ انوگ ءَ تاں 400رابطہ کتگ ءُُ مقبوضہ کشمیر ءَ جاڑیگیں ظلم آناں میاں اوستمانی تک ءَ پجارینگ ءَ آں ، اقوام ءِ متحدہ ءِ دیوان ءِ ساھت ءَ او آئی سی کنٹکٹ گروپ ءِ دیوان ءَ جوانیں رنگ ءَ مقبوضہ جموں کشمیر ءَ جاڑیگیں بنی آدمی ھک آنی لگت مالی ءِ جیڈھ ءَ را سہرا کنگ بوت ۔ شاہ محمود قریشی ءَ گوشت کہ اسلام فوبیا ءِ ھلاپ ءَ ملائیشیا ، ترکی ءُُ گتر ءِ گوما یکجائی ءَ گامگیج زورگ ءَ انت تانکہ اسلام ءِ راستیں لکا دگنیا ءِ دیم ءَ سہرا بوت بکن اَنت، ما پڑ ءَ ایمنی ءِ واستہ کمک کناں ۔ مخدوم شاہ محمود قریشی ءَ گوشت کہ کرتار پور راہداری ءِ پچ کنگ ءَ چہ سرج میں دگنیا ءَ 14 کروڑ سکھ آں پاکستان ءِ شگر ءُُ منت گپت ۔