مزن وزیر ءِ حاسیں کمک ڈاکٹر فردوس عاشق اعوان ءِ جدہ ءَ گوں صحافی آں گپء ُتران، او آئی سی ءِ گولڈن جوبلی مراگشءِ مرادبات

او آئی سی کشمیری آناں آیانی وت واجہی ءِ حقءِ دیئگءِ ھاترءَ بھارتءَ را بہ تنچیت
جدہ۔26نومبر(اے پی پی) مزن وزیرءِ حاسیں کمک کار ڈاکٹر فردوس عاشق اعوان ءَ اوآئی سی ءِ گولڈن جوبلی مراگشءِ مرادبات پیش کتگء ُ گشتگ کہ او آئی اسی ءِ فورم سرجمیں مسلمان آناں گوں یکے دومی ءَ بندوک کنگءِ پلیٹ فارم اِنت، پاکستان ا و آئی سی ءِ جوڑ کنوکیں ملک آں ہوار اِنت، پاکستان ءَ باسک ملک آں سماجی، دودء ُربیدگی ء ُ مذہبی شرپء ُ عزتءَ را مھکم کنگءَ وتی کرد پیلو کتگ، پاکستانءَ دائم ءَ مسلم امہ ءِ جیڑہ ء ُ جنجالانی گیشء ُگیواری ءِ گپ کتگ۔ آ سے شمبے ءِ روچءَ جدہءَ گوں صحافی آں گپء ُتران کنگءَ بوتگ۔ مزن وزیرءِ حاسیں کمک کار ڈاکٹر فردوس عاشق اعوان ءَ گشتگ کہ پاکستان او آئی سی ءِ یک اثر مندیں توارے ءِ ارزشتءَ وتی کردءَ پیلو کنت، پاکستان ءَ مسلم امہ ءَ گوں یکوئی ء ُ جیڑہ آنی گیشء ُ گیواری کنگءِ ھاترءَ یک بندے ءِ کرد پیلو کتگ۔ آئیء َگشتگ کہ پی ٹی آئی کور کمیٹی ءَ ناروے ءَ قرآن شریفءِ بے شرپی کنگءَ را سک ایر جتگ، اے بے شرپی ءِ پدءَ ناروے ءِ سفیرءَ را توار کنگ بوتگ۔ آئیءَ گشتگ کہ اے وڑیں وئیلء ُ جیڑہ پہ مسلمان آنی دل رنجی ءِ سوب بنت، او آئی سی ءِ فورم ءَ چہ اسلام ءِ راستیں پجارءَ را دنیاءِ دیما پیش کنگ لوٹ ایت۔ حاسیں کمک کار ڈاکٹر فردوس عاشق اعوان ءَ گشتگ کہ مزن وزیر عمران خان ءَ سیکرٹری جنرل او آئی سی ءِ ھاترءَ نیکیں واہگانی درشانی کتگ۔ آئیءَ گشتگ کہ بابری مسیت ءِ فیصلہ ءَ چہ سیکولر بھارتءِ بیمناکیں دیم سرجمیں دنیاءِ دیما پدّر بوتگ۔ آئیءَ گشتگ کہ مزن وزیر عمران خان لوٹ ایت کہ او آئی سی ءِ وسیلگءَ مدینہ ءِ ریاستءِ راستیں عکس دنیاءِ آرگ بہ بیت، اسلام ءِ راستیں پجّارءَ را دنیاءِ دیما آرگءَ چہ اسلام ءِ حلاپءَ دروگء ُ پندل پروش دیئگ بنت۔