اسلام آباد ۔ 25 نومبر (اے پی پی) وزیر ءِ درئی کار شاہ محمود قریشی ءَ گوشت کہ پی ٹی آئی حکومت ءَ زالبول آنی لٹ ءُُ کُٹ ءِ ھوالگ ءَ ترندیں گامگیج کتگ، چاگرد ءَ چہ اے سِلکاری ءِ ھلاسی ءِ واستہ سرپدی آناں گیش ودینگ لوٹ ایت ۔ ایوان ءِ صدر ءَ زالبول آنی ھلاپ ءَ لٹ ءُُ کُٹ ءِ ھلاسی ءِ درگت ءَ برجم داشتگیں روچ ءِ موہ ءَ گشتانک دیان ءَ وزیر ءِ درئی کار شاہ محمود قریشی ءَ گوشت کہ زالبول آنی لٹ ءُُ کُٹ ءِ ھوالگ ءَ تحریک ءِ انصاف ءِ پالیشی تل پچ انت ۔ مزن وزیر ءَ اے ھوالگ ءَ کانودی تک آنی سر ءَ چار ءُُ بچار گرگ ءُُ جوانیں کانود ءِ جوڑیشت ءِ واستہ وزیر ءِ کانود ءِ سروکی ءَ ھاسیں کمیٹی جوڑ کتگ ۔ آئی ءَ گوشت کہ چائلڈ پورنوگرافی کرائم ءِ گیش بوھگ سبب ءَ را شوہازگ ءِ واستہ ترندیں گامگیج کنگ لوٹ ایت ۔
