اسلام آباد۔ 25 نومبر (اے پی پی) بنجاہی پارلیمانی سیکرٹری ریلوے فرخ حبیب ءَ گوشت کہ پاکستان مسلم لیگ (ن) ءُُ پیپلز پارٹی ءِ برطانیہ ءُُ امریکا ءِ تہ گلے نام ءَ لمیٹیڈ کمپنی ہڈ انت اودا چہ فارن فنڈنگ ءُُ منی لانڈرنگ ءِ پدریں ثبوت انت،پی ٹی آئی ءِ لوٹ انت کہ اے گلانی ھوار دراھیں سیاسی گلانی اکاونٹس ءِ پٹ ءُُ پول کنگ بیت،پی ٹی آئی ءِ اکاونٹ پدر انت،آں ادا پی آئی ڈی ءِ تہ میڈیا ءَ را بریفنگ دیئگ ات۔فرخ حبیب ءَ گوشت کہ الیکشن کمیشن ءِ سکروٹنی کمیٹی سیاسی گلانی فنڈنگ ءِ ھوالہ چہ گوشداری کنگ انت۔تاثر ایش انت کہ ایوکا پی ٹی آئی ءِ فارن فنڈنگ ءِ کیس زیر سماعت انت بلے درحقیقت ار رنگ ءَ نیست انت۔الیکشن کمیشن گوستگیں پنچ سالءِ تہ جم کنائینت ءِ کاگدانی پٹ ءُُ پول ءَ ساپ ءُُ پلگاریں وڈ ءَ کت کن ایت۔ 2017ء ءِ تہ من الیکشن کمیشن ءِ تہ پٹیشن جم کتگ ات کہ مسلم لیگ (ن) ءُُ پیپلز پارٹی ءِ اکاونٹس ءِ جانچ کنگ بیت کہ ایشاں را زر دیم دیوکیں مردم کئے انت۔آہاں گوشت کہ پی ایم ایل این ءِ اکاونٹس ءِ تہ ھم درملکی آن لائن ٹرانزیکشن بوتگ ات۔ الیکشن کمیشن ءِ سکروٹنی کمیٹی ءِ 23دیوان بوتگ ات بلے انوں تاں دوئیں گلانی نیمگا چہ ہچ پسو جم مہ کنگ بوتگ۔ خدشہ انت کہ اے گلانی اے اکاونٹس منی لانڈرنگ ءِ ھاترا کارمرز بوتگ ات۔ فرخ حبیب ءَ گوشت کہ نواز شریف ءَ وتی گل ءَ را 10کروڑ کلدار عطیہ کتگ ات ءُُ دیمی روچ ءَ 44کروڑ وتی جندی اکونٹس ءِ تہ مان کتگ ات ءُُ وتی گل ءِ اکاونٹس ءَ را منی لانڈرنگ ءِ ھاترا کارمرز کتگ ءُُ ہمہ کہ آڈٹ بوتگ ہمہ پرچہ سی آر ءِ ردا نیست ات۔آہاں گوشت کہ پی ایم ایل این یو ءِ لمیٹڈ کمپنی ءِ وڈ ءَ رجسٹرڈ انت ہمہ کہ درملکی حکومت ءَ گوں معاہدہ،بیئپارءَ کت کن ایت ءُُ ایشی ءِ سروک زبیر گل انت۔ایشی ءِ پسو ھم داں روچ مروچی ءِ نہ اتکگ۔آہاں گوشت کہ پاناما کیس ءِ تہ ھم مسلم لیگ ن ءِ کرءَ ہچ منی ٹریل ءِ نیست ات،قطری نمدی جعلی ات ہمہ کہ ڈسٹ بن ءِ تہ دور دیگ بوتگ۔ فرخ حبیب ءَ گوشت کہ پاکستان پیپلز پارٹی یو ایس اے لمیٹد ءِ وڈ ءَ رجسٹرڈ انت ایشی ءِ سروک مارک سیگل انت۔ آصف علی زرداری اے کمپنی ءِ پرنسپل ہیڈ انت۔ اے معاملہ 3 دہکاں چہ جزگ انت۔2008ء تا 2012ء ءَ پیپلز پارٹی ءَ اے پلیٹ فارم ءَ را جندی لابنگ ءِ گاترا کارمرز کتگ۔ زرداری ءُُ بے نظیر بھٹو ءِ این آر اوھم اے لابنگ ءِ وسیلگ ءَ زورتگ،گل ءَ را اے جستانی پسو دیگ بیت۔ پی ٹی آئی ءَ عطیات دیوکیں 40 ہزارمردمانی ڈیٹا الیکشن کمیشن ءِ کرءَ جم کنائینت انت۔آہاں گوشت کہ احسن اقبال وزیر منصوبگ بندی ات تو آں سعودی عرب ءِ اقامہ گپت کارءَ کنگ ات۔ الیکشن سکروٹنی کمیٹی ءِ سرا مزنیں زمہ واری انت کہ دراھیں سیاسی گلانی اکاونٹس ءِ ہمک روچ ءِ بنیات ءَ گوشداری بوھگ لوٹ ایت۔آہاں گوشت کہ مسلم لیگ ن ءُُ پیپلز پارٹی ءِ اکاونٹس ءِ تہ فارن فنڈنگ ءُُ منی لانڈرنگ ءِ پدریں ثبوت انت۔اگہ ڈن ملک لمیٹڈ کمپنیانی سرا پسو نہ داتگ تو بنجاہی حکومت وت پٹ ءُُ پول ءِ واکدار انت۔یک جستے پسو ءَ آہاں گوشت کہ پی ٹی آئی ءِ ہچ اکاونٹ چیر نیست انت۔ دراھیں ٹرانزیکشن بینکنگ چینلز ءِ ردا انت،آہاں گوشت کہ کارمرز نہ بیوکیں بند اکاونٹس ءُُ آپریشنل اکاونٹس ءِ تفصیل پیش کتگ ات۔ ٹاپ 10 کمپنیاں چہ گہتریں فرم ءَ چہ آڈٹ کنائینت انت۔آہاں گوشت کہ راہزن کمیٹی ءِ ڈل ہمک روچ الیکشن کمیشن ءَ روگ پریشر ءَ مان کنگ انت بلے اے ھم ردیں وڈ ءَ بے سوب بنت۔
