اسلام آباد۔ 25 نومبر (اے پی پی) بنجاہی وزارت قانود ءُُ انصاف ءِ نیمگا چہ پاکستان ءِ ھاترا یورپی یونین ءِ ڈلے کمکءَ گوں زالبولانی ھلاپ لٹ ءُُ کُٹ ءِ ھلاسی ءِ میاں اوستمانی روچ ءِ درگت ءَ صدر سیکرٹریٹ اسلام آباد ءِ تہ یک ھاسیں مراگش ءِ برجمداری کنگ بوتگ اے موہ ءِ سرا ٹائم فار رئیل آنرءِ نام ءَ گوں یک جنز ھم دیما آرگ بوتگ۔مراگش ءِ ھاسیں مہمان صدر مملکت ڈاکٹر عارف علوی ات وھدیکہ اے موہ ءِ سرا بنجاہی وزیر کانود ءُُ انساپ بیریسٹر ڈاکٹر محمد فروغ نسیم ھم ساڑی ات۔جنز ءِ وسیلگءَ بنجاہی وزارت کانود ءُُ انساپ ءَ پاکستان ءِ ھاترا یورپی یونین ءِ ڈل ءِ کمکی ءَ گوں سرجمیں ملک ءِ تہ غیرت ءِ نام ءِ سرا قتل ءُُ کوش ءِ ھلاپ ءَ لہتیں سٹیک ہولڈرز ءِ گوما یک ڈائیلاگ ءُُ نشست ءِ کاوش کتگ ءُُ غیرت ءِ نام ءِ ھلاپ ءَ کانود ءِ نفاذ ءِ باروا وڈ ءُُ پیم پدرائی کتگ۔یک اندازہ ءِ ردا پاکستان ءَ ہمک سال ءَ کم ءُُ گیش 1000جنین غیرت ءِ نام ءَ قتل ءُُ کوش کنگ بوھگ انت۔اے درکانودی ءُُ درانسانی سسٹم کانود ساچی ءِ ابید برجاہ انت ایشی ءِ تہ غیرت ءِ نام ءِ سرا قتل ءُُ کانود 2016ھم ھوار انت۔ایشی ءِ تہ عمر قید،غیرت ءِ نام ءِ سرا قتل ءُُ کوش کنوک ءَ را 25 سال قید ءِ سزا ءُُ اثرمندءِ ھاندان ءِ نیمگا چہ غیرت ءِ نام ءِ سرا قتل کنوکءَ را پہلی دیگ ءِ بندش ھوار انت۔ ٹائم فار رئیل آنرایونٹ ءِ بنداتی پارلیمانی سیکرٹری برائے قانون و انصاف بیرسٹر ملیکہ علی بخاری ءِ تعارفی کلمات ءَ گوں بوتگ ایشی ءِ پدا پاکستان ءِ ھاترا یورپی یونین ءِ سفیر،صدر پی ٹی آئی شاہ محمود قریشی، وفاقی وزیر برائے بین الصوبائی رابطہ ڈاکٹر فہمیدہ مرزا، ایڈیشنل آئی جی پنجاب انعام غنی، ایڈووکیٹ و عاصمہ جہانگیر لیگل ایڈ سیل ءِ ایگزیکٹو ڈائریکٹر ندا علی، وکیل ءُُ ڈیجیٹل رائٹس فاؤنڈیشن ءِ بانی نگہت داد اور شرمین عبید چنائے ھوار ات شریدارءَ پاکستان ءِ تہ غیرت ءِ نام ءِ سرا قتل ءُُ کوش ءِ ھلاپ کانود ءُُ اے کانود ء ِ برجاہ ءُُ گہترکاری ءِ ھوالہ چہ انتظامی کاوشانی سرا ھیال ریچی کتگ۔مراگش ءِ تہ لہتیں تک ءَ گوں سیادی داروکیں اسٹیک ہولڈرز ءُُ نماھندگ ساڑی ات ایشانی تہ سفراء،ہائی کمشنرز،یورپی یونینءِ باسک ملکانی مشن سروک،پارلیمنٹرینز ءُُ سیل ءُُ سوادی ءِ صنعت ءَ گوں سیادی داروکیں بااثر مردم ھوار ات۔اے موہ ءِ سرا ملک ءِ صدر ڈاکٹر عارف علوی ءَ ھم تران کتگ۔
