لاہور۔25 نومبر(اے پی پی)بنجاہی وزیر ریلوے شیخ رشید احمد ءَ گوشت کہ مولانا فضل الرحمان مزن وزیر عمران خان ءِ استعفیٰ گرگ اتکگ ات بلے حالی دستاں شتگ ات،ملک ءِ تہ لس گچینکاری دور دور نہ گندگ ءَ نہ آھگ انت ٗحکومت وتی پنچ سالءِ وھد ءُُ پاس سرجم کن ایت، پارٹی فنڈنگ ءِ احتساب (ن) لیگ ءُُ پی پی پی ءِ ھم بوھگ بیت،سپیکر پنجاب اسمبلی چوہدری پرویز الٰہی حکومت ءِ اتحادی ءُُ سسٹم ءِ بھر انتءُُ بنت۔آں دوشمبے ءَ ادا ریلوے ہیڈکوارٹرز ءِ تہ پریس کانفرنس ءَ گوں تران کنگ ات۔وزیر ریلوےءَ گوشت کہ پاک فوج ءِ سپہ سالارقمرجاوید باجوہ انت،آرمی چیف ءُُ پاک فوج ملک ءَ را معاشی ءُُ اقتصادی وڈ ءَ دیما برگ ءُُ جمہوریت ءَ را مھکم کنگ لوٹگ انت۔ہمہ کہ لہتیں مردماں را ہضم نہ بوھگ انت۔آہاں گوشت کہ مولانا فضل الرحمان ھم مزن وزیر ءِ استعفیٰ گرگ ءَ پہ مذہبی جنز ءِ اوگام جتگ اتکگ ات بلے حالی دستاں واتر بوتگ ات ٗآہاں گوشت کہ حکومتی گاماں چہ اے وھد ءَ معیشت شر بوتگ البتہ گراں بہائی ءُُ بے روزگاری ءِ سرا مزن وزیر عمران خان زوت گرودارکن انت۔ شیخ رشید احمدءَ گوشت کہ من پیسرءَ ھم گوشت ات کہ پیسریگیں مزن وزیر نوازشریف روگ ات،نوں آصف علی زرداری ءِ ھم پنچیں کیسانی تہ پلی پارگین بناء بوتگ انت ءُُ نیب زوت راجی ھزانگ ءَ را پرکن ایت۔وزیر ریلوے ءَ گوشت کہ مزن وزیر عمران خان صاف گو مردم انت اگہ آئی ءِ ٹیمب ءِ تہ کسے کرپٹیں مردمے انت تو آئی ءَ را ڈبل سزا دیگ بہ بیت پرچا کہ عمران خان ءَ را مہلوک ءَ کرپشن ءِ ھلاسی ءِ نام ءِ سرا ووٹ داتگ ات۔ وزیر ریلوے ءَ ناروے واقعہ ءِ ایراد جنان ءَ گوشت کہ اے باروا مزن وزیر ءَ مزنیں پیسلہ کتگ کہ اوآئی سی ءِ میٹنگ لوٹارینگ بیت۔آہاں گوشت کہ مسلمان وھدیکہ واب ءَ چہ پیداگ انت تو ایشی ءِ جوزگ ءَ دگنیا گندگ انت ٗ ختم نبوت ءِ سرا ہچ وڈیں سمجھوتہ نہ بہ بیت۔آہاں گوشت کہ کشمیریاں را اے وھدءَ یکجہتی ءِ ضلورت انت ایشی ءِ ھاترا من وت کشمیر ءِ تروتاب کناں۔ وزیر ریلوے ءَ گوشت کہ مزن وزیر ءَ ریلوے ءِ تہ دو ٹیکنیکل ایڈوائزرایر کنگ ءِ منظوری داتگ۔ ریلوے ءَ لاہور جلو ٹرین چلائنگ ءِ پیسلہ کتگ انت ایشی ءِ آوکیں ھپتگ ءَ بنداتی کنگ بیت۔آہاں گوشت کہ ازا خیل ءِ تہ افغان ٹرانزٹ ءِ کار بوھگ انت،گوستگیں سئے ماہ ءِ تہ ٹارگٹ ءَ چہ یک ارب کلدار ءَ چہ گیش نپ چست کنگ بوتگ ٗ افغان ٹرانزٹ ءِ پدا ریلوے ءِ تاوان پنچ سال ءِ ابید سئے سال ءِ تہ کم بیت۔آہاں گوشت کہ نوں فریٹ ءُُ لینڈ مئے ٹارگٹ انتٗ ایم ایل ون 14 سال پیسرءَ مئے دستاں چہ دستخط بوتگ ءُُ اے سی پیک ءِ شہ رگ انت۔آہاں گوشت کہ ایم ایل ون ءَ گوں ھوار ایم ایل ٹو ءِ سرا گپ بوھگ انت ءُُ اے طے بوتگ کہ پے منٹ ڈالرءِ ابید آرایم بی ءِ تہ بیت۔آہاں گوشت کہ سی پیک ءَ چہ امریکی تحفظات اے ھاتا انتکہ چین پاکستان ءِ دیمروئی ءِ تہ پرچا ھوار انت،شیخ رشید ءَ گوشت کہ ایم ایل ون منصوبگ جوڈ بوھگ انت ایشی ءِ کریڈٹ مزن وزیر عمران خان ءِ انت۔
