صدر مملکت ڈاکٹر عارف علوی ءِ سوڈان ءِ دست کش بوھوکیں سفیر تاغیلدین الہادی الطاہر ءَ گوں گند ءُُ نند ءَ تران

اسلام آباد ۔ 25 نومبر (اے پی پی) صدر مملکت ڈاکٹر عارف علوی ءَ گوشت کہ بھارتی ظال میں حکومت ءِ نیمگ ءَ مقبوضہ جموں کشمیر ءَ یک نیمگی ءُُ کانود ءَ چہ ڈن گامگیج ، کشمیری الس آنی بنی آدمی ھک آنی لگت مالی بھارتی جنتا پارٹی ءِ بھارت ءَ نندوکیں درئی راج آنی گوما ناروائیں سلوک آنی رِچ ات ایشی ءِ سبب ءَ مقبوضہ کشمیر ءَ 113روچ ءَ چہ جاڑیگیں کرفیو ایشی ءِ آدینک ءَ پیش دار ایت ۔ ایوان ءِ صدر ءَ جاڑی بوتگیں پریس ریلیز ءِ رد ءَ اے ھیالانی درشانی آئی ءَ سوڈان ءَ دست کش بوھوکیں سفیر تاغیلدین الہادی الطاہر ءَ گوں تران کنان ءِ ساھت ءَ کت آئی ءَ دو شمبے ءَ ایوان ءِ صدر ءَ آئی ءَ گوں گند ءُُ نند کت ۔ صدر ءِ مملکت ءَ میاں اوستمانی برات آنی سر ءَ زور دات کہ آ وتی توا میں شہر آنی بنیاتی بنی آدمی ھک آنی سروکی ءِ زمہ واری آں پیلو کنگ ءِ واستہ بھارت ءَ را منوک بکن اَنت ۔ آئی ءَ دو نیمگی تجارتی کد ءُُ بالاد ءَ را گیش ودینگ ءِ واستہ جوانیں گامگیج ءِ ضلورت ءِ سر ءَ زور دات ءُُ گوشت کہ پاکستان بینکنگ، میڈیکل، ٹیکسٹائل ءُُ کشت ءُُ کشار ءِ شوبگ ءَ ھوار ءَ سوڈان ءَ انفراسٹرکچر ءِ دیمروئی ءِ واستہ بلدکاریں مردم آنی کنشت ءَ پیش کت کنت ۔ صدر ءِ مملکگ ءَ سوڈان ءِ دست کش بوھوکیں سفیر ءَ را وتی مزدگری ءِ سرجم بوھگ ءِ ساھت ءَ دوئیں ملک آنی نیام ءَ دو نیمگی یکوئی ءَ را گیش ودینگ ءَ ازمت آناں ساڑات ءُُ ایشانی آیوکیں باندات ءِ زمہ واری آنی ھوالگ ءَ نیکیں واھگ آنی درشان کت ۔