پاکستان ءَ الس آنی اقتصادی برجائی ءُُ چاگردی دیمروئی ءِ واستہ جتا جتائیں بھر آنی سر ءَ ھیال ریچی کنت بوت
اسلام آباد ۔ 25 نومبر (اے پی پی) ہالینڈ ءِ کوئین میکسیمہ پاکستان ءَ آیگ ءَ پد دو شمبے ءَ وزارت ءِ درئی کار ءَ پُج ات، آئی ءِ پجگ ءِ پد ءَ وزیر ءِ درئی کار شاہ محمد قریشی ءَ آئی ءَ را وش اتک کت ۔ کوئین میکسیمہ ءَ وزیر ءِ درئی کار مخدوم شاہ محمود قریشی ءَ گوں گند ءُُ نند کت ۔ گند ءُُ نند ءِ ساھت ءَ پاکستان ءَ الس ءِ اقتصادی برجائی ءُُ چاگردی ءُُ معاشی دیمروئی ءِ جتا جتائیں بھر آنی سر ءَ ھیال ریچی کنگ بوت ۔ اے موہ ءِ سر ءَ گپ ءُُ تران کنان ءَ وزیر ءِ درئی کار شاہ محمود قریشی ءَ گوشت کہ مرچی سرج میں دگنیا ءَ پاکستان ءِ پجار یک ایمنیں ملکے ءِ رنگ ءَ کنگ بوھگ ءَ انت، برطانوی شاہ زادگ ء ُ آئیءِ لوگی ءِ پاکستان ءَ ترء ُتاب پدءَ ہالینڈ ءِ بانک میکسیمہ ءِ پاکستان ءِ تر ء ُتاب کنگءِ سرءَ وشی ءِ درشانی کتگ ۔ آئیءَ گشتگ کہ پاکستان ہالینڈ ءِ دونیمگی سیادیءَ را باز ارزشت دنت ۔ آئی ءَ گشت کہ ہالینڈءِ بازیں کمپنی پاکستانءَ سوبمندیءِ گوما بیپار کنگءَ اَنت ۔ اے موہءَ آیاں توانائی ، کشتء ُ کشاریء ُ ہارٹیکلچر ءِ پڑاں کمک ءَ را گیش کنگءِ سرءَ تپاک کتگ ۔ شاہ محمود قریشی ءَ گشتگ کہ مے حکومت زرکاری ء ُ سیئل ء ُ سواد ءَ را گیش کنگءِ گامگیجءَ کنگءَ اِنت ۔ دری کارانی وزیر ءَ یورپ ءَ اسلامو فوبیا ء ُ مذہبی نادوستی ءِ انوگیں نادوستی ءِ وئیل ءِ سرءَ پاکستان ءِ نیمگءَ چہ تکانسری ءِ درشانی کتگ، اے وئیل ءَ چہ پاکستانءَ ہوار سرج میں دنیاءِ مسلمان آنی دل ربج بوتگ ۔ ہالینڈءِ بانک میکسیمہ ءَ پُرمڈائیں و ش اَتک کنگءَ دری کارانی وزیر ءِ شگرء ُمنت گپتگ پاکستان ءَ اقتصادی دیمروئی ءِ ھاترءَ کمک ءِ اوست داتگ ۔ بانک میکسیمہ پاکستانءِ سئے روچی ترء ُتابءَ اقوام متحدہ ءِ سیکرٹری جنرل ءِ اقتصادی دیمروئی ءِ حاسیں نمائدگءِ ارزشتءَ کنگءَ اِنت ۔
